ኣሚሶም ኣብ ሰላምን ምርግጋእን ሶማሊያ ኣስተዋፅኦ ንዘበርከቱ ወታደራት ኢትዮጵያ ናይ ክብሪ ሜዳሊያ ሸሊሙ

ኣዲስ ኣበባ፣ 25 ሚያዝያ፣ 2013 (ኤፍ ቢ ሲ)ኣብ ትሕቲ ሓይሊ ዓቃቢ ሰላም ሕብረት ኣፍሪከሳ ኣብ ሶማሊያ (አሚሶም) ኣብ ሰላምን ምርግጋእን ሃገረ ሶማሊያ ኣስተዋፅኦ ንዘበርከቱ ወታደራት ኢትዮጵያ ተሸለምቲ ናይ ክብሪ ሜዳሊያ ኮይኖም።

ኢትዮጵያውያን ወታደራት ኣብ ሶማሊያ ዝነበሮም ናይ ሓደ ዓመትን ሽዱሽተ ወርሒን ፃንሒት ኣብታ ሃገር ሰላምን ምርግጋእን ንምዕሳል ብዝተገበረ ፃዕሪ ንዝገበሩዎ ኣስተዋፅኦ ኣፍልጦ ንመሃብ ዝዓለመ ሽልማት ከምዝኾነ ኣሚሶም ኣፍሊጡ፡፡

እቶም ኢትዮጵያውያን ወታደራት፥ ኣልሸባብ ንምድምሳስ ኣብ ዝተኻየደ ወፍሪ ምስ ወታደራት ሶማሊያን ጂቡቲን ብምትሕብባር ኣብ በለተወይኒ ሴክተር ኣርባዕተ ተዋፊሮም ግቡኦም ዝተዋፅኡ ኢዮም፡፡

ኣዛዚ ጦር ጂቡቲ ኣብ ኣሚሶም ኮሎኔል ዓብዲራህማን ሃሬድ፥ ኢትዮጵያውያን ወታደራት ድሕንነት ሶማሊያ ንምሕላው ንዝገበሩዎ ኣስተዋፅኦ ምስጋና ኣቕሪቦም፡፡

ኣብ ሰላምን ምርግጋእን ግዘኦም፣ ጉልበቶምን ህይወቶምን ንዘሃቡ ኢትዮጵያውያን ወታደራት ዘለዎም ክብሪ እውን ገሊፆም፡፡

እዋናዊን ሓዱሽን ሓበሬታ ንምርካብ

ቴሌግራም ገፅና https://t.me/tigrignafana

ድረ ገፅና https://www.fanabc.com/tigrigna/

ትዊተር ገፅና https://twitter.com/fanatelevision

ዩቲዩብ ቻናል FBC Tigrigna

https://www.youtube.com/c/fanabroadcastingcorporate/ሰብስክራይብ

ይግበሩ/ራ!