ኢንዱስትሪ ሆስፒታሊቲ ዓለም ለኸ ደረጃኡ ዝሓለወ ንኽኸውን ጥጡሕ ኩነታት ከምዝተዘርገሐ ተገሊፁ

ኣዲስ ኣበባ፣ 19 ጥቅምቲ፣ 2017 (ኤፍ ቢ ሲ)መንግስቲ ኢንዱስትሪ ሆስፒታሊቲ ዓለም ለኸ ደረጃኡ ዝሓለወ ኣገልግሎት ንኸቕርብ ጥጡሕ ኩነታት ከምዝዘርገሐ ሚኒስቴር ቱሪዝም ኣፍሊጡ።

ሚንስትር ቱሪዝም ሰላማዊት ካሳ ምስ ሓለፍቲን ተወከልቲን ፌዴሬሽናት ሆቴል፣ ሰብ ሞያን ማሕበራትን ምስቱሪዝም ተዋዲድካ ምስራሕ ኣብ ዝከኣለሉ ጉዳይ ኣድሂበን ተዛቲየን፡፡

እተን ሚንስትር ኣብቲ እዋን፤ መንግስቲ ኢንዱስትሪ ሆስፒታሊቲ ዓለም ለኸ ደረጃኡ ዝሓለወ ኣገልግሎት ንኸቕርብ ጥጡሕ ባይታ ከምዝዘርገሐ ገሊፀን፡፡

በዚ ድማ ተዋዲድካ ብምስራሕ ኣወሃህባ ኣገልግሎት ብምምሕያሽ እቲ ዓውዲ ዝተውሃቦ ሃገራዊ ግደ ንኸበርክት ምስራሕ ከምዝግባእ ኣተሓሳሲበን፡፡

ተወከልቲ እቶም ማሕበራት ብግደኦም÷ እቲ ዓውዲ ትፅቢት ዝግበረሉ ንኸዕውት ብቐረባን ብዝሐሸ ምትሕብባርን ከምዝሰርሑ ብምሕባር፤ መንግስቲ ንኢንዱስትሪ ቱሪዝም ዝሃቦ ትኹት ከምዝነኣዱ ሓሬታ እቲ ሚኒስቴር የመላኽት፡፡