ኢትዮጵያ ድሕሪ ለበዳ ኮቪድ-19 ብበፃሕቲ ከብ ዝምረፃ ሸውዓተ ሃገራት ሓንቲ ክትከውን ኢያ – መፅሄት ፎርብስ

ምስ እዚ ተተሓሒዙ ድማ ሃገራት ካብቲ ዓውዲ ዝረኽበኦ ዝነበራ ኣታዊ ከምዝሳና እቲ መፅሄት ኣብ ፀብፃቡ ኣመልኪቱ።

ድሕሪ ምትፋእ ለበዳ ሕማም ቫይረስ ኮሮና ድማ ኢትዮጵያ ሓዊሱ ሸውዓተ ሃገራት ተመረፅቲ መባፅሕቲ ቱሪዝም ከምዝኾና ትንበይኡ ኣቐሚጡ ኣሎ።

ኢትዮጵያ ብዘለዋ ሃፍቲ ተፈጥሮ፣ ባህሊን ታሪኽን ፈላመይቲ መባፅሒት በፃሕቲ ዓዲ ከምትኸውን ገሊፁ።

ኢትዮጵያ መበቆል ደቂ ሰባት፣ መበቆል ስልጣነን ባዕዳዊ ወረርቲ ብዓውደ ኲናት ዝሰዓረትን ብሕታዊት ኣፍሪካዊት ሃገር ምዃና እውን ኣብ ፀብፃቡ ኣካቲቱ።

እዚኦምን ካልኦትን ምኽንያታትን መሰረት ብምግባር ንበፃሕቲ ተመራፂት ሃገር ከምዝገብራ ኢዩ እቲ መፅሄት ዝሓበረ።

መፅሄት ፎርብስ፥ ካብ ኢትዮጵያ ብተወሳኺ ኢራን፣ ማይናማር፣ ጆርጂያ፣ ፊሊፒንስ፣ ስሎቬኒያን ኣፍሪካዊት ሃገር ቱኒዚያን ድሕሪ ለበዳ ኮቪድ-19 ንበፃሕቲ ተመረፅቲ ዝኾና ሃገራት ብምባል ፈሊዩወን ኣሎ።

እዋናዊን ሓዱሽን ሓበሬታ ንምርካብ ናይ ቴሌግራም ገፅና ሰብስክራይብ ይግበሩ/ራ!
https://t.me/tigrignafana