ኢትዮጵያ እናኸፈለትልና ንትርከብ መስዋእትነት ነመስግን- ፕሬዚዳንት ደቡብ ምዕራብ ሶማሊያ

ኣዲስ ኣበባ፣ 2 ሰነ፣ 2016 (ኤፍ ቢ ሲ)ፕሬዚዳንት ደቡብ ምዕራብ ሶማሊያ ፕሬዚዳንት ኣብዲኣዚዝ ሓሰን ለፍተግሬን ሰራዊት ምክልኻል ኢትዮጵያ ኣብ ምኽባር ሰላም ተዋፊሩ ኣብ ባይድዋ ንዘሎ ህዝቢ ሶማሊያ ሰላሙ ንምርግጋፅ እናኸፈሎ ዝርከብ መስዋእትነት ምስጋና ኣቕሪቦም፡፡

እቶም ፕሬዚዳንት ኣብ ባይድዋ ሴክተር 3 ዝርከብ መዕርፎ ነፈርቲ ባይድዋ ምስ ጎብነዩ÷ ምስ ላዕለዎት መኮንነናት ሰራዊት ምክልኻል ኢትዮጵያ ኣብ እዋናዊ ጉዳይ ፀፅታ ተዛቲዮም።

ኣብ ዘተኦም ድማ ሰራዊት መክልኻል ኢትዮጵያ ካብ ምኽባር ሰላም ወፃእ ይኹን ኣብ ወፍሪ ምኽባር ሰላም ኣብ ባይድዋ ዝርከብ ህዝቢ ሶማሊያ ሰላሙ ንምርግጋፅ ንዝኸፈሎ መስዋእትነት ኣመስጊኖም፡፡

ካብዚ ብተወሳኺ “ሰላም ንምምጣፃእ ርእስና ንኽንክእል ሓይሊ ፀፅታና ኣብ ምስልጣን ዕዙዝ ብፅሒት ስለዝተዋፀአ ነመስግን” ምባሎም ካብ ማሕበራዊ ሚዲያ ሰራዊት ምክልኻል ዝረኸብናዮ ሓበሬታ የረድእ፡፡

ምክትል ኣዛዚ ሴክተር 3 ኮሎኔል ሰቦቃ በቀለ ብግደኦም÷ እቲ ዓቃቢ ሰላም ሰራዊት ብዘይዕረፍቲ ምስ ሓይሊ ፀፅታ እቲ ክልል እናሰርሐ ከምዝኸነን እዚ ድማ ኣጠናኺሩ ከምዝቕፅልን ኣረጋጊፆም፡፡