ኢትዮጵያ ኣብ ዓውዲ ግብርና ለውጢ ኣምፂኣ ኢያ- ሚኒስትር ግብርና ዲሞክራቲክ ሪፐብሊክ ኮንጎ

ኣዲስ ኣበባ፣ 26 ጥቅምቲ፣ 2017 (ኤፍ ቢ ሲ)ኢትዮጵያ ኣብ ዓውዲ ግብርና ለውጢ ኣምፂኣ ኢያ ክብሉ ሚኒስትር ግብርና ዲሞክራቲክ ሪፐብሊክ ኮንጎ ግሪጎር ሙታሻል ገሊፆም።

ሚኒስትር ግብርና ግርማ አመንቴ (ዶ/ር) ምስ ሚኒስትር ግብርና ዲሞክራቲክ ሪፐብሊክ ኮንጎ ግሪጎር ሙታሻል ኣብ ዓውዲ ግብርና ብሓባር ምስራሕ ኣብ ዘኽእሉ ዛዕባታት ጠመተ ዝገበረ ዘተ ኣሳሊጦም።

ግርማ አመንቴ(ዶ/ር)÷ ኣፍሪካ ንልምዓት ግብርና ምቹእ ሃፍቲ ተፈጥሮ እንተሃለዋ እውን ሃገራት ኣፍሪካ ግን ህዝበን ብኣግባቡ ምምጋብ ከምዘይከኣላ ተዛሪቦም።

እቶም ሚኒስትር፥ እዚ ፀገም ንምቕራፍ መንግስቲ ኢትዮጵያ ንዓውዲ ግብርና ጠመተ ብምሃብ ይሰርሕ ከምዘሎ ኣገንዚቦም።

ግሪጎር ሙታሻል በግደኦም፥ ኣብ ዓውዲ ግብርና ኣብ ኢትዮጵያ ንዝመፅአ ለውጢ ኣፍልጦ ሂቦም።

መነግስቲ ዲሞክራቲክ ሪፐብሊክ ኮንጎ ካብ ኢትዮጵያ ልምዲ ምውሳድ ከምዝደሊ ምግላፆም ኣብቲ ሚኒስቴር ዝረኸብናዮ ሓበሬታ የረድእ።