ኢትዮጵያ ንሓለዋ ከባቢ ዝሃበቶ ትኹረት ብኣብነት ዝፅራሕ ኢዩ – ኣምባሳደር ሚሮስላቭ ኮሴክ
ኣዲስ ኣበባ፣ 14 ጥቅምቲ፣ 2016 (ኤፍ ቢ ሲ)ኢትዮጵያ ብመርሃ ግብሪ ሓምለዋይ ኣሰር ንሓለዋ ከባቢ ዝሃበቶ ትኹረት ብኣብነት ዝፅራሕ ከምዝኾነ ኣምባሳደር ቼክ ሪፐብሊክ ኣብ ኢትዮጵያ ሚሮስላቭ ኮሴክ ገሊፆም።
ምትሕብባር ልምዓት ቼክ ሪፐብሊክ ክሌማዊ ለውጢ ኣብ ምክልኻል ጠሚቱ ምስ ዝተፈላለዩ መንግስታዊን ዘይመንግስታዊን ትካላት ኣብ ኣዲስ ኣበባ ልዝብ ተኻይዱ።
ኣብቲ መድረኽ ዘተ ዝተረኸቡ ኣምባሳደር ቼክ ሪፐብሊክ ኣብ ኢትዮጵያ ሚሮስላቭ ኮሴክ÷ ክሌማዊ ለውጢ ብብርኪ ዓለም ልዑል ፈተና ብምዃን ከምዝቐፀለ ገሊፆም።
ኣብ ኣፍሪካ ፅዕንትኡ ልዑል ከምዝኾነ ብምሕባር÷ ንድርቂ፣ ውሕጅ፣ ምግህማስ መሬትን ካልኦት ተተሓሓዝቲ ፀገማትን ከምዝተቓለዐ እውን ኣብሪሆም።
ኢትዮጵያ ብመርሃ ግብሪ ሓምለዋይ ኣሰር ንሓለዋ ከባቢ ዝሃበቶ ትኹረት ዝነኣድ ከምዝኾነ ዝገለፁ እቶም ኣምባሳደር÷ እቲ ፀገም ንምክልኻልን ለውጢ ንምምፃእን ምትሕብባር ሃገራት ኣድላዪ ከምዝኾነ ተዛሪቦም።
ኣብ ኢንስቲትዩት ዓለም ለኸ ሓምለዋይ ልምዓት ዳይሬክተር ኢትዮጵያ ዳንኤል ጎቦናያ÷ ክሌማዊ ለውጢ ንምክልኻል ሓበራዊ ምላሽ ከምዘድሊ ምግላፆም ግዜኢ ፀብፂቡ፡፡
እዋናዊ ሓበሬታ ንምርካብ፦
ቴሌግራም ገፅናhttps://t.e/tigrignafana
ድረ ገፅና https://www.fanabc.com/tigrigna/
ትዊተር ገፅና https://twitter.com/fanatelevision
ዩቲዩብ ቻናል FBC Tigrigna https://www.youtube.com/…
ሓዱሽ መተግበሪ ፋና ብሮድካስቲንግ ኮርፖሬት https://play.google.com