ኢትዮጵያ ንልዕሊ 1 ነጥቢ 1 ሚሊየን ፍልሰተኛታት መፅለሊት ኢያ-ም/ቀ/ሚ ተመስገን ጥሩነህ

ኣዲስ ኣበባ፣ 28 መስከረም፣ 2017 (ኤፍ ቢ ሲ)ኢትዮጵያ ንልዕሊ 1 ነጥቢ 1 ሚሊየን ፍልሰተኛታት መፅለሊት ኢያ ክብሉ ምክትል ቀዳማይ ሚኒስትር ተመስገን ጥሩነህ ገሊፆም።

እቶም ምክትል ቀዳማይ ሚኒስትር ኣብ ማሕበራዊ ሚዲየኦም ኣብ ዘመሓላለፍዎ መልእኽቲ፥ ሎሚ መዓልቲ ምስ ዳይሬክተር ጄነራል ዓለም ለኸ ትካል ፈልሰተኛታት ውድብ ሕቡራት መንግስታት(UN-IOM)   ኤሚ ፖፕ ዘቲና ኢሎም።

እቲ ዘተ፥ ምስቲ ትካል ሓቢርካ ምስራሕ ኣብ ዘኽእሉ ዛዕባታት ጠመተ ዝገበረ ከምዝኾነ ገሊፆም።

ብመሰረት እዚ በድሆታት ዘይሕጋዊ ስደት ብዘላቕነት ምፍታሕን ምውፋር ስራሕ ወፃኢ ዓዲ ንዘላቒ ልምዓት ዘበርክቶ ኣስተዋፅኦ ክብ ምባልን ኣብ ዘኽእሉ ናት መትሕበባር ሓሳባት ስምምዕነት ከምዝተገበረ ተዛሪቦም።

ዓለም ለኸ ትካል ፍልሰተኛታት ዘይሕጋዊ ፍልሰት ኣብ መክልኻል፣ ካብ  ስደት ተመለስቲን ተመዛበልቲን ዝገብሮ ደገፍ አመስጊኖም።