ኢትዮጵያ ተካይዶ ስራሕቲ ሓለዋ ከባቢ ዶብ ዘለል ብፅሒት ከምዘለዎ ሙሁራን ገሊፆም

ኣዲስ ኣበባ፣ 19 ሓምለ፣ 2014 (ኤፍ ቢ ሲ)ኢትዮጵያ ተካይዶ ስራሕቲ ሓለዋ ከባቢ ዶብ ዘለል ብፅሒት ከምዘለዎ ሙሁራን እቲ ዓውዲ ገሊፆም።

ዓለም ብለውጢ ንብረት ኣየር ኣብ እትሕመሰሉ እዋን ኢትዮጵያ እናካየደቶ ትርከብ ልምዓት ሓምለዋይ ኣሰር ንእዋኑ ዝጠልብ ስራሕ ከምዝኾ እቶም ሙሁራን ተዛሪቦም፡፡

ምስ ፋና ብሮድካስቲንግ ኮርፖሬት ፃንሒት ዝገበሩ መምህር ዩኒቨርሲቲ ኣዲስ ኣበባን ተመራማሪ ንብረት ኣየርን ፕሮፌሰር በላይ ስማኔን ተመራማሪ ኢንስቲትዩት ወርልድ ሪሶርስ ዶክተር ኤርሚያስ ኣባተን፥ ስራሕቲ ሓለዋ ከባቢ ለውጢ ንብረት ኣየር ካብ ምክልኃል ሓሊፉ ዘላቒ ውሕስና ምግቢ ንምርግጋጽ ቀንዲ መፍትሒ ከምዝኾነ ኣብሪሆም።

ወፃኢ ዓለም ነዚ ዓለም ለኻዊ ትርፊ ዘለዎ ተግባር ኣፍልጦ ክህቦ ኣይከኣለን ዝበሉ እቶም ሙሁራት፥ እዚ ድማ ዘለዎም ዝተዛበዐ ኣረኣእያ ዘመልክት ከምዝኾነ ገሊፆም።

እቶም ሙሁራን ኣብ መብርሂኦም፥ ዝማዕበላ ሃገራት እናስዐበኦ ብዝርከባ ፀገም ንምሕላፍ ዝግበር ምንቅስቐስ ምዕራባውያን ኣይደግፉዎ እምበር ኣጠናኺርካ ክቕፅል ከምዝግባእ ኣገንዚቦም፡፡

ዝተጀመረ ስራሕ ሓለዋ ከባቢ ዘላቒን ውፅኢታዊን ንምግባር ካብ ወፍሪ ሓሊፉ እቲ መርሃ ግብሪ ትካላ ምግባር ከምዘድሊ እውን ገሊፆም፡፡

ብመሓመድ ዓሊ

እዋናዊ ሓበሬታ ንምርካብ፦

ቴሌግራም https://t.e/tigrignafana

ድረ ገፅና https://www.fanabc.com/tigrigna/

ትዊተር ገፅና https://twitter.com/fanatelevision

ዩቲዩብ ቻናል FBC Tigrigna https://www.youtube.com