ኢትዮጵያን ኣዘርባጃንን ርክበን ናብ ዝለዓለ ደረጃ ንምዕባይ ተስማዕሚዐን

ኣዲስ ኣበባ፣ 7 ጥሪ፣ 2017 (ኤፍ ኤም ሲ)ክልተኣዊ ርክብ ኢትዮጵያን ኣዘርባጃንን ናብ ዝለዓለ ደረጃ ንምብፃሕ ብትኹረት ንምስራሕ ኣብ ስምምዕነት ከምዝተበፅሐ ሚኒስቴር ጉዳያት ወፃኢ ኣፍሊጡ።

ሚኒስትር ዴኤታ ጉዳያት ወፃኢ ኣምባሳደር ምስጋኑ ኣርጋን ምክትል ሚኒስትር ጉዳያት ወፃኢ ኣዘርባጃን ያልቺን ራፊዩቭን ብሓባር ዝመርሑዎ ሳልሳይ ዙር መድረኽ ዘተ ፖለቲካ ኢትዮጵያን ኣዘርባጃንን ኣብ ኣዲስ ኣበባ ተኻይዱ፡፡

ኣምባሳደር ምስጋኑ ኣብቲ እዋን ዘተ÷ ኣዘርባጃን መበል 29 ጉባኤ ክሌማዊ ለውጢ ሕቡራት መንግስታት ብዕት ኩነታት ምትእንጋዳ መልእኽቲ እንኳዕ ደስ በለኩም ኣመሓላሊፎም።

ኣብ ሞንጎ ክልቲአን ሃገራት ብስሩዕ ዝካየድ ፖለቲካዊ ዘተ ኢትዮጵያን ኣዘርባጃንን ዘለወን ኩለመዳይ ርክብ ኣብ ዓውዲታት ሕርሻ፣ መዓድን፣ ማኑፋክቸሪንግን ሓምለዋይ ኢኮኖሚን ብዝበለፀ ንኽጠናኸር ዝሕግዝ ከምዝኾነ ኣብሪሆም።

ያልቺን ራፊዩቭ ብግደኦም÷ ኣብ ሞንጎ እተን ሃገራት ዝተኻየዱ ዑደታት ላዕለዎት ሓለፍቲ ስራሕ መንግስቲ  እናዓበየ ዝመፅአ ዲፕሎማሲያዊ ርክብ ዘመላኽት ከምዝኾነ ምግላፆ ካብቲ ሚኒስቴር ዝረኸብናዮ ሓበሬታ የረድእ፡፡