ንኹልና ዝኾነት ኢትዮጵያ ክነፅንዕ ኢና – ኣይተ ኣደም ፋራህ

ኣዲስ ኣበባ፣ 29 ሕዳር፣ 2017 (ኤፍ ኤም ሲ)ካብ ስምዒትን ጫፍ ዝሓዘ ዝንባለን ብምዕቃብ ሓድነትና ብምጥንኻር ካብ ኩልና ንኹልና ዝኾነት ኢትዮጵያ ክነፅንዕ ኢና ክብሉ ብመዓርግ ምክትል ቀዳማይ ሚኒስትር ሓላፊ ማእኸል መተሓባበሪ ህንፀት ስርዓት ዴሞክራሲን ምክትል ፕሬዚዳንት ፓርቲ ብልፅግናን ኣይተ ኣደም ፋራህ ገሊፆም።

ኣይተ ኣደም መበል 19 በዓል መዓልቲ ብሄር ብሄረሰባትን ህዝቢታትን ምኽንያት ብምግባር መልእኽቲ እንኳዕ ኣብፀሐኩም ኣመሓላሊፎም፡፡

ኣብ መልእኽቶም ድማ÷ “ኢትዮጵያውያን ብምርኻብ ባህሎም፣ ቋንቋኦምን ታሪኾምን ንምፍላጥን ንምምምህሃርን ብዘኽእል መልክዑ ዝገልፁሉ፣ ምትእስሳሮምን ህብረ-ብሄራዊ ሓድነቶምን ብምጥንኻ ኩለመዳይ ብልፅግና ኢትዮጵያ ጋህዲ ንምግባር ቃል ኪዳኖም ዘሕድሱሉ መዓልቲ ብሄር ብሄረሰባትን ህዝቢታትን እንኳዕ ኣብፀሐኩም” ኢሎም፡፡

ናይዚ ዓመት በዓል መዓልቲ ብሄር ብሄረሰባትን ህዝቢታትን ኣብ ክልል ደቡብ ኢትዮጵያ ውቅብቲ ናይ ፍቕሪ ከተማ ኣርባምንጭ ብድምቀት ኢትዮጵያዊነት ክብ ኢሉ ኣኽቢርና ክብሉ ኣብ ማሕበራዊ ሚዲያ ገፆም ገሊፆም፡፡

ካብ ስምዒትን ጫፍ ካብ ዝሓዘ ዝንባለን ብምዕቃብ ኣፈላላያትና ብምኽባር ሓድነትና ብምጥንኻር ካብ ኩልና ንኹልና ዝኾነት ኢትዮጵያ ክነፅንዕ ኢና” ኢሎም፡፡