ንመላእ ህዝብና ዋልታ ሰላምን ደሕንነትን ንምዃን ዘኽእለና ዓቕሚ እናሃነፅና ኢና ክብሉ ኮሚሽነር ደመላሽ ገ/ሚካኤል ተዛሪቦም

ኣዲስ ኣበባ፣ 28 ግንቦት፣ 2014 (ኤፍ ቢ ሲ)ንመላእ ህዝብና ዋልታ ሰላምን ደሕንነትን ንምዃን ዘኽእለና ዓቕሚ እናሃነፅና ኢና ክብሉ ዋና ኣዛዚ ላዕለዋይ መምርሒ ሰራዊት ፖሊስ ፌዴራል ኮሚሽነር ደመላሽ ገብረ ሚካኤል ተዛሪቦም።

ኣመራርሓን ኣባላትን ፖሊስ መርሃ ግብሪ ምስጋናን ኣወሃህባ ኣፍልጦ ኣብ መስቀል ኣደባባይ ተኻይዱ።

ኣብቲ መርሃ ግብሪ  ዝረኸቡ ዋና ኣዛዚ ላዕለዋይ መምርሒ ሰራዊት ፖሊስ ፌዴራል ኮሚሽነር ደመላሽ ገብረ ሚካኤል ኣብ ዘመሓላለፍዎ መልእኽቲ÷ “ፀላእትና ከፊተሙልና ዝነበረ መጥቃዕቲ ንምምካት ስራዊት ፖሊስ ምስ ምክልኻል ስራዊት ሃገር ብምውዳድ መኹሪዒ ገድሊን ጅግንነትን ፈፂሞም እዮም” ኢሎም።

ናይ ሎምዓንቲ መርሃ-ግብሪ ትካላዊ ህንፀት ዓቕምን ዝዓበየ ኣፈፃፅማ ስራሕን ናብ ዝሓሸ ብርኪ ንምስግጋር ሉኡኹቶ ፈፃሚን በብርኩ ዘሎ ኣመራርሓን ኣባልን ናብ ዝበለፀ ሓላፍነት ዘለዓዕል ምዃኑ እቶም ኮሚሽነር ወሲኾም ገሊፆም።

“ኣካላት ፍትሒን መንግስቲን ንዝገበረልና ድጋፍን ክትትልን ኣፍልጦ ንህበሉ እዩ” ዝበሉ ኮሚሽነር ደመላሽ ገ/ሚካኤል÷ ኣብ ቀፃሊ እዚ መርሃ-ግብሪ ኣብ መላእ እዛ ሃገር ዝርከቡ ላዕለዎት መምርሕታት ከምዝቕፅል ሓቢሮም።

እዋናዊ ሓበሬታ ንምርካብ፦

ቴሌግራም ገፅናhttps://t.e/tigrignafana

ድረ ገፅና https://www.fanabc.com/tigrigna/

ትዊተር ገፅና https://twitter.com/fanatelevision

ዩቲዩብ ቻናል FBC Tigrigna

https://www.youtube.com/…/%E1%88%B0%E1%89%A5%E1%88%B5… ይግበሩ/ራ!

ሓዱሽ መተግበሪ ፋና ብሮድካስቲንግ ኮርፖሬት

https://play.google.com/store/apps/details… ኣብ ቴሌፎኖም/ነን ብምፅዓን ቀጥታ ፈነወ ቴሌቪዥን፣ ኤፍኤም 98.1ን ብሄራዊ ራዲዮን ይከታተሉ/ላ። ተንቀሳቐስቲ ምስልታት እውን ይከታተሉ/ላ።