ናብ ሓዱሽ ኣወዳድባ ሕብረት ኣፍሪካ ኣብ ዝግበር ስግግር ግልፅነት ዘረጋገፀ ክኸውን ይግባእ – ኣይተ ገዱ ኣንዳርጋቸው

ኣብቲ ጉባኤ ምምሕያሽ ኣወዳድባ ሕብረት ኣፍሪካ ዝበፅሐሉ ብርኪ ኣድሂቡ ዝተዳለወ ፀብፃብ ብዝምልከት ቤት ምኽሪ ፈፃሚት እቲ ሕብረት ዘተ ኣካይዱ።

በቲ ዝቐረበ ፀብፃብ ድማ ሚኒስትራት ጉዳያት ወፃኢ ኣባል ሃገራት ርኢቶኦም ሂቦም ኢዮም።

ሚኒስተር ጉዳያት ወፃኢ ፌዴሪኢ ኣይተ ገዱ ኣንዳርጋቸው ኣብ ዝሃቡዎ ርኢቶ፥ ምምሕያሽ ኣወዳድባ እቲ ሕብረት ኣብ ጉባኤ መራሕቲ ብዝተቐመጠሉ ኣንፈት ሽቱኡ ንኽወቅዕ ግልፅነት ዝዓሰሎን መሰል ሰራሕተኛታቱ ኣብ ግምት ዘእተወን ክኸውን ከምዝግባእ ኣተሓሳሲቦም።

ብተወሳኺ ኣወዳድባ ሓይሊ ሰብ ናይቲ ሕብረት ክእለትን ሓላፍነትን ኣብ ግምት ዘእተወ፣ ከምኡ እውን ልምዲን ብቕዓትን ማእኸል ዝገበረ ክኸውን ከምዘለዎ ምግላፆም ካብ ቤት ፅሕፈት ኣቐባሊ ቓል ሚኒስቴር ጉዳያት ወፃኢ ዝረኸብናዮ ሓበሬታ የረድእ።