ነበር ተፃዋታይ ጋንታ ቦሩሺያ ዶርትሙንድ ኔቬን ሱቦቲች ኣብ መቐለ ይርከብ

ኣዲስ ኣበባ፣ 3 ሕዳር፣ 2017 (ኤፍ ቢ ሲ)ነበር ተፃዋታይ ጋንታ ቦሩሺያ ዶርትሙንድን መስራትን ኣካየዲ ስራሕን ፋውንዴሽን ዌልፌየር ኔቬን ሱቦቲች ኣብ ክልል ትግራይ ዑደት ንምግባር ናብ ከተማ መቐለ ኣቲዩ።

ኔቬን ሱቦቲች ብትካሉ ኣቢሉ ኣብ ትግራይ ዝሰርሖም ፕሮጅክትታት ቀረብ ፅሩይ ዝስተ ማይ ክዕዘብ ከምዝመፅ ተገሊፁ።

ሱቦቲች ምስ ማሕበራዊ ረዲኤት ትግራይ ብምትሕብባር÷ ቅድሚ ኲናት፣ ኣብ እዋን ኲናትን ድሕሪ ኲናትን ሓደሽቲ ፕሮጀክትታት ማይ ብምህናፅን ዝተበላሸዉ ብምፅጋንን ኣብ ጎኒ ህዝቢ ትግራይ ኮይኑ ከምዝሓገዘ እታ ማሕበር ኣፍሊጣ፡፡

ኣብ ትግራይ ንዝሰረሖም ፕሮጆክትታት ቀረብ ፅሩይ ዝስተ ማይ እውን ምስጋና ኣቕሪባ።

ኔቬን ሱቦቲች ከም ኣቆፃፅራ ኣውሮፓውያን ካብ 2008 ክሳብ 2017 ኣብ ቡንደስሊጋ ጀርመን ተፃዋታይ ጋንታ ቦሩሺያ ዶርትሙንድ ብምፅዋት ምስ ጋንትኡ ክልተ ግዘ ተዓዋታይ ፅዋዕ ቡንደስሊጋ ክኸውን ክኢሉ ኢዩ፡፡