ነበር ቀዳማይ ሚኒስትር ጃፓን ሺንዞ ኣቤ ብዝተፈፀሞም መጥቃዕቲ ካብዛ ዓለም ብሞት ተፈሊዮም

ኣዲስ ኣበባ፣ 1 ሕምለ፣ 2014 (ኤፍ ቢ ነበር ቀዳማይ ሚኒስትር ጃፓን ሺንዞ ኣቤ ብዝተፈፀሞም መጥቃዕቲ ካብዛ ዓለም ብሞት ተፈሊዮም።

ሺንዞ ኣቤ፥ ናራ ኣብ ዝተብሃለት ከተማ ናይ ሓደ ሕፁይ ጎስጓስ መደረ እናገበሩ እናሃለዉ ኢዮም ብድሕሪቶም ብጥይት ተወቒዖም ናብ ሆስፒታል ምእታዎም ይፍለጥ።

መሰኻኽር ዓይኒ፥ ሺንዞ ኣቤ ብድሕሪቶም ምስተወቕዑ ሽዒ ንሽዑ ከምዝወደቑን ደም ይፈሶም ከምዝነበረን ተዛሪቦም።

ኣብቲ ሆስፒታል ጥብቂ ክትትል ሕክምና እናተገበረሎም ይፅናሕ እምበር ክተርፉ ከምዘይከኣሉ ቢቢሲን ሲ ጂ ቲ ኤንን ፀብፂቦም።

መጥቃዕቲ ብምፍፃም ዝተጠርጠረ ውልቀሰብ እውን ምስ መሳርሒኡ ኣብ ትሕቲ ቁፅፅር ፖሊስ ውዒሉ ምርመራ እናተገበረሉ ከምዝኾነ ተገሊፁ።

ወዲ 67 ዓመት ሺንዞ ኣቤ ጃፓን ንብዙሓት ዓማውቲ ብቀዳማይ ሚኒስትርነት ዝመርሑ እንትኾኑ፥ ምስ ስእነት ጥዕና ተተሓሒዙ ከም ኣቆፃፅራ ኣውሮፓውያን ኣብ 2020 ኢዮም ስልጣኖም ብፍቓዶም ከምዝለቐቑ ይዝከር።

እዋናዊ ሓበሬታ ንምርካብ፦

ቴሌግራም https://t.e/tigrignafana

ድረ ገፅና https://www.fanabc.com/tigrigna/

ትዊተር ገፅና https://twitter.com/fanatelevision

ዩቲዩብ ቻናል FBC Tigrigna https://www.youtube.com