ቻይና ምስ ኣሜሪካ ኣብ ተዓዋታይነት ክልቲኡ ወገን ዝተመርኮሰ ምትሕበባር ንምግባር ድልውቲ ምዃና ኣፍሊጣ
ኣዲስ ኣበባ፣ 14 ጥቅምቲ፣ 2016 (ኤፍ ቢ ሲ)ቻይና ምስ ኣሜሪካ ኣብ ተዓዋታይነት ክልቲኡ ወገን ዝተመርኮሰ ምትሕበባር ንምግባር ድልውቲ ከምዝኾነት ፕሬዚዳንት እታ ሃገር ሺ ጂንፒንግ ተዛሪቦም፡፡
ሺ ኣብ ዓመታዊ መርሃ ግብሪ ድራር ብሄራዊ ኮሚቴ ድራር ርክብ ኣሜሪካን ቻይናን ብምርካብ፥ እቲ ኮሚቴ ኣብ ሞንጎ ክልቲአን ሃገራት ብዝተፈላለዩ ዓውዲታት ንዝግበር ምትሕበባር ዘርአዮ ናይ ነዊሕ እዋን ትግሃት ንኢዶም፡፡
ካብዚ ብተወሳኺ፥ ቻይና ምስ ኣሜሪካ ብሓባር ንምስራሕን ንሓበራዊ ምዕባለን ድልውቲ ከምዝኾነት እውን ተዛሪቦም።
ትክክለኛ ምትእስሳር መንግስቲ ምስ መንግስቲ ክልቲአን ዓበይቲ ሃገራት ዓለም÷ ኣብ ምምፃእ ሰላምን ልምዓትን ዓለም ከምኡ እውን ኣብ መፃኢ ዕድል ሰላም ደቂ ሰባት ወሳኒ ከምዝኾነ ሓቢሮም።
ኣብ መምርሒታት ምክብባር፣ ሰላም ሓቢርካ ምንባርን ሓበራዊ ዓወትን ብምምስራት ቻይና ምስ ኣሜሪካ ኣብ ሓበራዊ ረብሓ ዝውዕል ምትሕብባር ንምስጓም ድልውነታ ገሊፃ።
ኣፈላላያት ብግቡእ ንምፍታሕን ዓለም ለኸ ማሕለኻታት ንምእላይን ሓበራዊ ፃዕሪታት ንምግባር ከምኡ እውን ንክልቲአን ሃገራት ከምኡ እውን ንምዕባለ ዓለም ናይ ባዕላ ኣስተዋፅኦ ንምግባር ፍቓደኛ ከምዝኾነት ተዛሪቦም፡፡
እዋናዊ ሓበሬታ ንምርካብ፦
ቴሌግራም ገፅናhttps://t.e/tigrignafana
ድረ ገፅና https://www.fanabc.com/tigrigna/
ትዊተር ገፅና https://twitter.com/fanatelevision
ዩቲዩብ ቻናል FBC Tigrigna https://www.youtube.com/…
ሓዱሽ መተግበሪ ፋና ብሮድካስቲንግ ኮርፖሬት https://play.google.com