ተናሓናሕቲ ፖለቲካ ኢራንን ኣሜሪካን ድሕሪ 24 ዓመታት ኣብ ፅዋዕ ዓለም ሎሚ መዓልቲ ክራኸባ ኢየን
ኣዲስ ኣበባ፣ 20 ሕዳር፣ 2015 (ኤፍ ቢ ሲ)ተናሓናሕቲ ፖለቲካ ኢራንን ኣሜሪካን ድሕሪ 24 ዓመታት ሎሚ መዓልቲ ኣብ ፀወታ ፅዋዕ ዓለም ክራኸባ ኢየን።
ኣብ ምድብ ክልተ ናይ መወዳታ ፀወታ÷ ኢራንን ኣሜሪካን ምሸት ሰዓት ኣርባዕተ ኣብ ስታዲየም ቱማማ ፀወተአን ክገብራ ኢየን፡፡
ክልቲአን ሃገራ ከም ኣቆፃፅራ ኣውሮፓውያን 1998 ፈረንሳይ ኣብ ዘሰናደአቶ ፅዋዕ ዓለም ተራኺን ዝነበራ እንትኾና÷ ኢራን 2 ን 0 ምዕዋታ ይዝከር፡፡
ኢራን ሰለስተ ነጥቢ ብመሓዝ ካብ እንግሊዝ ቀፂላ ካብቲ ምድብ ካልኣይ ደረጃ ዝሓዘት እንትኸውን÷ ኣሜሪካ ክልተ ፀወታታት ብማዕረ ውፅኢት ብምዝዛም ክልተ ነጥቢ ብመሓዝ ሳልሳይ ደረጃ ትርከብ፡፡
ልዕሊ ኩዕሾ እግሪ ፖለቲካዊ ትርጉም ኣብ ዘለዎ ፀወታ ክልቲአን ሃገራት÷ ኢራን እንተስዒራ ወይ ድማ ማዕረ እንተተፈላሊያ ናብ ቀፃሊ ዙር ምሕላፋ ክተረጋግፅ ኢያ፡፡
ብተፃራሪ ኣሜሪካ ካብ ምድባ ንምሕላፍ ንኢራን ክትስዕራ ኣለዋ፡፡
ክልቲአን ሃገራት ኣብ ታሪኸን ክልተ ግዘ ጥራሕ ዝተራኸባ እንትኾና÷ ኢራን ልዕልነት ከምዘለዋ ሓበሬታ ጎል ዶት ኮም የመልክት፡፡
ኣብ ናይ ሎሚ መዓልቲ መርሃ ግብሪ ምሸት ሰዓት 12 ኢኳዶርን ሴኔጋልን ከምኡ እውን ኔዘርላንድስ ምስ ኳታር ዝክራኸባ እንትኾና÷ ምሸት ሰዓት 4 ድማ ኢራን ምስ ኣሜሪካ፤ ዌልስ ምስ እንግሊዝ ፀወተአን ከካይዳ ኢየን፡፡
እዋናዊ ሓበሬታ ንምርካብ፦
ቴሌግራም https://t.e/tigrignafana
ድረ ገፅና https://www.fanabc.com/tigrigna/
ትዊተር ገፅና https://twitter.com/fanatelevision
ዩቲዩብ ቻናል FBC Tigrgna