ብከንቲባ ኣዳነች ኣቤቤ ዝተመርሐ ልኡኽ ኣብ ከተማ ኳላላምፑር ዑደት ገይሩ

ኣዲስ ኣበባ፣ 24 ጥቅምቲ፣ 2017 (ኤፍ ቢ ሲ)ብከንቲባ ምምሕዳር ከተማ ኣዲስ ኣበባ ኣዳነች ኣቤቤ ዝተመርሐ ላዕለዋይ ልኡኽ ኣመራርሓ እታ ከተማ ኣብ ማሌዢያ ከተማ ኳላላምፑር ዑደት ገይሩ።

እቲ ልኡኽ ትማሊ ኣብ ከተማታት ኳላላምፑር፣ ሳይበርጃንን ሳንዌይ ዑደት ዝገበረ እንትኸውን፥ ሎሚ መዓልቲ ድማ መብፅሒት ቱሪስት ኣብ ዝኾነት ከተማ ገንቲንግ ዑደት ገይሩ፡፡

ዕላማ እቲ ዑደት ቅልጡፍ ለውጢ ልምዓት ዘመዝገበት ማሌዢያ ዝተኸተለቶ ስትራቴጂ ትራንስፎርሜሽን ብዝምልከት ልውውጥ ልምዲ ንምውሳድ ኣብ ግምት ዘእተወ ከምዝኾነ ካብ ቤት ፅሕፈት ከንቲባ ዝረኸብናዮ ሓበሬታ የረድእ፡፡