ብልፅግና ፓርቲ ሓፈሻዊ ጉባኤኡ ብዝምልከት ተወሰኽቲ ሰነዳትን ሓበሬታታትን ንከቕርብ ቦርድ መረፃ ሓቲቱ

ኣዲስ ኣበባ ፣ 19 ሚያዝያ፣ 2014 (ኤፍ ቢ ሲ)ብልፅግና ፓርቲ ሓፈሻዊ ጉባኤኡ ብዝምልከት ተወሰኽቲ ሰነዳትን ሓበሬታታትን ንከቕርብ ቦርድ መረፃ ሓቲቱ።

እቲ ፓርቲ ብመሰረት ቦርድ ምርጫ ብዝርዝር ዘቐመጦም ጉዳያት ቅድሚ 25 ሚያዚያ 2014 ዓ.ም ንከቕርብ ተሓቲቱ።

ቃለ ጉባኤ ብዝምልከት፣ ኣብ ሓፈሻዊ ቃለ ጉባኤ ናይ ሓፈሻዊ ጉባኤ ኣኼባ ምልኣተ ጉባኤ ተማሊኡ እንትተብሃለ እውን ብግልፂ በዝሒ ተሳተፍቲ ኣባላት እቲ ጉባኤ ስለዘይተቐመጠ ተገሊ ንክቐርብ፣ ኣባላት ማእኸላዊ ኮሚቴ እቲ ፓርቲ ዝተጠቆምሉ ከይዲ፣ እንመን ከምዝተጠቆሙ፣ ካብ መንጎ ዝተጠቆሙ ዝተመረፁ ኣባላት ሕድሕዶም ብኽንደይ ድምፂ ከምዝተመረፁ ኣብ ሓፈሻዊ ቃለ ጉባኤ ዘይተገለፀ ብምዃኑ እዚ ተኻቲቱን ተረጋጊፁን ንክቐርብ፣ በቲ ፓርቲ ዝቐረበ ሓፈሻዊ ቃለ ጉባኤ ብኮሚቴ ፈፃሚ ስራሕ እቲ ፓርቲ ተፈሪሙ ንክቐርብ፣ ኣባላት ኮሚቴ ፈፃሚ ስራሕ እቲ ፓርቲ ዝተመረፅሉ ከይዲ ዘርእይ ቃለ ጉባኤ እቲ ማእኸላይ ኮሚቴ ስለዘይቀረበ ንክቐረብ ሓቲቱ።

መተሓዳደሪ ደንቢ እቲ ፓርቲ ብዝምልከት ድማ ብመሰረት መተሓዳደሪ ደንቢ ዓንቀፅ 18/3 በዝሒ ኣባላት ማእከላይ ኮሚቴን ስብጥርን ብዝምልከት ዝወፅአ መምርሒ ኣፈፃፅማ እንተሃሊዩ ቅድሑ ማእኸላይ ኮሚቴ እቲ መምርሒ ካብ ዘፅደቐሉ ቃለ ጉባኤ ንክቐርብ እቲ ቦርድ ምርጫ ኣብ ዝፀሓፎ ደብዳበ ሓቲቱ።

ንኢትዮጵያ፦ ነልምዕ፣ ንህነፅ፣ ንዳሎ!

እዋናዊ ሓበሬታ ንምርካብ፦

ቴሌግራም ገፅናhttps://t.e/tigrignafana

ድረ ገፅና https://www.fanabc.com/tigrigna/

ትዊተር ገፅና https://twitter.com/fanatelevision

ዩቲዩብ ቻናል FBC Tigrigna

https://www.youtube.com/…/%E1%88%B0%E1%89%A5%E1%88%B5… ይግበሩ/ራ!

ሓዱሽ መተግበሪ ፋና ብሮድካስቲንግ ኮርፖሬት

https://play.google.com/store/apps/details… ኣብ ቴሌፎኖም/ነን ብምፅዓን ቀጥታ ፈነወ ቴሌቪዥን፣ ኤፍኤም 98.1ን ብሄራዊ ራዲዮን ይከታተሉ/ላ። ተንቀሳቐስቲ ምስልታት እውን ይከታተሉ/ላ።