ባይቶ ወከልቲ ህዝቢ ፌዴሪኢ ብሕልፈት ህይወት በየነ ጴጥሮስ (ፕ/ር) ዝተሰመዖ ሓዘን ገሊፁ

ኣዲስ ኣበባ፣ 7 መስከረም፣ 2017 (ኤፍ ቢ ሲ)ባይቶ ወከልቲ ህዝቢ ፌዴሪኢ ብሕልፈት ህይወት በየነ ጴጥሮስ (ፕ/ር) ዝተሰመዖ ሓዘን ገሊፁ።

እቲ ባይቶ ኣብ ዘውፀኦ መግለፂ ሓዘን÷ በየነ ጴጥሮስ (ፕ/ር) ኢትዮጵያ ካብ ዘፍረየቶም ዕንቊ ሙሁራን ብቕድሚት ዝፅርሑ ተመራማሪ፣ መምህር፣ ብሱል ፖለቲከኛን ብቁዕ ኣመራርሓን ነይሮም ኢሉ፡፡

ኣብ ዝተፈላለዩ ዓውዲታት ሃገሮም ብትግሃትን ብስምዒት ፍቕሪ ሃገርን ዘገልገሉ እንትኾኑ÷ “ድሕሪ ውድቀት መንግስቲ ደርጊ ኣብ ዝተጣየሸ ስግግር መንግስቲ ኣባል ባይቶ ወከልቲ ህዝቢ ብምዃን ኣብ ኢትዮጵያ ሰላማዊ ስግግር ስልጣን ንኽዕወት ዕዙዝ ኣስተወፅኦ ኣበርኪቶም ኢዮም” ኢሉ እቲ መግለፂ፡፡