ባይቶ ወከልቲ ህዝቢ ኣወሃህባ ምላሽን ቀፀልቲ ስጉምቲታትን ለበዳ ቫይረስኮሮና ብዝምልከት ዝቐረበ ፀብፃብን ምኽረ ሓሳብን መርሚሩ ንምፅዳቕ ህፁፅ ኣኼባ የሳልጥ ኣሎ

ባይቶ ወከልቲ ህዝቢ ኣወሃህባ ምላሽን ቀፀልቲ ስጉምቲታትን ለበዳ ቫይረስኮሮና ብዝምልከት ዝቐረበ ፀብፃብን ምኽረ ሓሳብን መርሚሩ ንምፅዳቕ ህፁፅ ኣኼባ የሳልጥ ኣሎ

ኣዲስ ኣበባ፣ 12 መስከረም፣ 2013 (ኤፍ.ቢ.ሲ)ባይቶ ወከልቲ ህዝቢ ፌዴሪኢ 5ይ ዓመት ዘበን ስራሕ መበል 4ይ ህፁፅ ኣኼብኡ ኣብ ቤት ፅሕፈት ቀዳማይ ሚኒስትር የሳልጥ ኣሎ።

ኣብ ዝተፈላለዩ ዛዕባታት ኣድሂቡ ከምዝዝቲ ትፅቢት ዝግበረሉ እቲ ባይቶ ውሳነታትን ሽመታትን እውን ከፅደቕ ኢዩ።

እቲ ባይቶ ክሳብ ሕዚ ኣብ ዝገበሮ ፃንሒት ብቀዳማይ ሚኒስትር ዶክተር ኣቢይ ዝቐረቡ ሽመት ሚኒስትራት ከምኡ እውን ሽመት ዳያኑ ተመልኪቱ።

ብመሰረት እዚ፦

1. ዶክተር ቀነዓ ያደታ ሚኒስትር ምክልኻል ሃገር ፌዴሪኢ
2. ዶክተር ጌዲዮን ጢሞቲዎስ ላዕለዋይ ዓቃቢ ሕጊ ፌዴሪኢ
3. ዶክተር ሳሙኤል ሁርቃቶ ሚኒስትር ሳይንስን ላዕለዎት ትካላት ትምህርቲን ፌዴሪኢ
4. ኢንጅነር ታከለ ኡማ ሚኒስትር መዓድንን ነዳዲን ፌደሪኢ ኮይኖም ዝቐረቡ እንትኾኑ፥ እቲ ባይቶ ብግድኡ ነቶም ዝቐረቡ ሽመታት ብሓሙሽተ ድምፀ ተኣቅቦ ብኣብዝሓ ድምፂ ኣፀዲቑዎም።

ባይቶ ወከልቲ ህዝቢ ብተወሳኺ ሽመት 40 ሕፁያት ዳያኑ ላዕለዋይ ቤት ፍርዲ ብሓሙሽተ ድምፀ ተኣቅቦ ብኣብዝሓ ድምፂ ከምኡ እውን ሽመት 50 ሕፁያት ዳያኑ ቀዳማይ ብርኪ ቤት ፍርዲ ብሰለስተ ድምፀ ተኣቅቦ ብኣብዝሓ ድምፂን ኣፅዲቑ ኣሎ።

እቶም ሓደሽቲ ዝተሸሙ ሚኒስትራትን ሕፁያት ዳያኑን፥ ኣብቲ ባይቶ ቀሪቦም ብፕሬዚዳንት ላዕለዋይ ቤት ፍርዲ ወይዘሮ መዓዛ ኣሸናፊ ኣቢሎም ቃለ ማሕላ ፈፂሞም።