ባንኪ ኣቢሲንያ “ኣሚን ኣዋርድ” ውድድር ፍፃመ ምህዞ ስራሕ 9 ሰነ ክካየድ ኢዩ

ኣዲስ ኣበባ፣ 6 ሰነ፣ 2016 (ኤፍ ቢ ሲ)ባንኪ ኣቢሲንያ ንካልኣይ ግዘ ዘሰናድኦ “ኣሚን ኣዋርድ” ውድድር ፍፃመ ምህዞ ስራሕ 9 ሰነ ክካየድ ኢዩ።

“ኣሚን ኣዋርድ” ፈታሒ ፀገም ውድድር ፈጠራ ምህዞ ዝኾኑ ሓሳባት ብልዑል ንሕንሕ እንተሳትፍ ምፅንሑ ተሓቢሩ።

ኣብዚ ሐዚ እዋን ኣብቲ ውድድር እንትሳተፉ ካብ መንጎ ዝነበሩ 180 ተነሓናሕቲ  126 ምምራፆም ተሓቢሩ።

እቶም ተወዳደርቲ ብእታዎታት ቴክኖሎጂ፣ ፍሪያታት ግብርና፣ ህንፀት ቴክኖሎጂ፣ ማኑፋክቸሪንግ፣ ንግዲ፣ ተሓዳሲ ሓይሊ፣ ትምህርቲ፣ ጥዕናን ኢ-ኮሜርስን ሓሳቦም ንውድድር ኣቕሪቦም።

ኣብቲ ውድድር ካብ ቀዳማይ ክሳብ ሓምሻይ ደረጃ ንዝሕዙ ተወዳደርቲ፥ እቲ ባንኪ ካብ 200 ሺሕ ብር ክሳብ 1 ሚሊየን ብር ሓሳባት ፕሮጀክት ተግባራዊ ንምግባር ዝሕግዝ መካየዲ ስራሕ ሽልማት ክወሃብ ኢዩ ተባሂሉ።

ብሲሳይ ጌትነት ሃይለማሪያም ተገኝን