ባንኪ ንግዲ ኢትዮጵያ ጎስጓስ ኣገልግሎት ዓማዊል ኣጀሚሩ

ኣዲስ ኣበባ፣ 24 ታሕሳስ፣ 2017 (ኤፍ ኤም ሲ)ባንኪ ንግዲ ኢትዮጵያ ጎስጓስ ኣገልግሎት ዓማዊል ኣጀሚሩ።

እቲ ጎስጓስ፥ “ዝሓሸ ኣገልግሎት ሕጉስ ዓሚል” ብዝብል መሪሕ ሓሳብ ንሓደ ወርሒ ዝፀንሕ ከምዝኾነ ተሓቢሩ።

ኣካቢ ቦርድ ዳይሬክተራትን እቲ ባንኪን ሚኒስትር ገንዘበን ኣሕመድ ሽዴ፣ ፕሬዚዳንት እቲ ባንኪ ኣቤ ሳኖ፣ ላዕለዎት ኣመራርሓን ሰራሕተኛታትን እቲ ባንኪ ኣብቲ መርሃ ግብሪ ተረኺቦም።

ኣብ ኣወሃህባ ኣገልግሎት እቲ ባንኪ ዝጠመተ ምስ ዓማዊል ዘተ፣ ንሓደ ሰሙን ዝፀንሕ ኤግዚብሽንን ንዓማዊል ምስጋና ዝቐርብ ከምዝኾነ ተገሊፁ።

ኣይተ ኣሕመድ ሽዴ፥ ዓማዊል ነቲ ባንኪ እምነት ሂቦም ሓቢሮም ብምትሕብባር ምስረሖም አመስጊኖም።

“ማእኸል ህልውናና ምዃንኩም ስለእንኣምን ብቑርፀኝነት ክነገልግለኩም ኩሉ ግዘ ድልዋት ኢና” ምባሎም ኣብቲ ባንኪ ዝረኸብናዮ ሓበሬታ የረድእ።