ቡካዮ ሳካ ካብ 4 ክሳብ 6 ሰሙናት ካብ ሜዳ ከምዝርሕቕ ኣሰልጣኒ ሚኬል ኣርቴታ ገሊፁ
ኣዲስ ኣበባ፣ 14 ታሕሳስ፣ 2017 (ኤፍ ኤም ሲ)እንግሊዛዊ ተፃዋታይ ጋንታ ኣርሴናል ቡካዮ ሳካ ካብ 4 ክሳብ 6 ሰሙናት ካብ ሜዳ ከምዝርሕቕ ኣሰልጣኒ ሚኬል ኣርቴታ ገሊፁ፡፡
እቲ ተፃዋቲ ጋንትኡ ኣርሴናል ንክርስታል ፓላስ 5 ን 1 ኣብ ዝሰዓረትሉ ፀወታ ቅድሚ ዕረፍቲ ብምኽንያት ጉድኣት ምሽንቃቕ ጭዋዳ ካብ ሜዳ ምውፅኡ ይዝከር፡፡
ኣሰልጣኒ እታ ጋንታ ሚኬል ኣርቴታ ኣብ ዝሃቦ መግለፂ÷ ቡካዮ ሳካን ዘጋጠሞ ጉድኣት ንብዙሓት ሰሙናት ካብ ሜዳ ከምዘርሕቖ ተዛሪቡ፡፡
ይኹን እምበር ቡካዮ ሳካ ቅድሚ ምዝዛም እቲ ውድድር ዓመት ክምለስ ከምዝኽእል ዘለዎ ተስፋ ገሊፁ፡፡
ቡካዮ ሳካ ንኡሽተይ ታሪኽ ጉድኣት ካብ ሞንጎ ዘለዎም ተፃወትቲ ኣርሴናል ኣብ ቅድሚት ዝፅራሕ እንትኸውን÷ ኣብ ዝሓለፉ ዓመታት እታ ጋንታ ንዘመዝገበቶም ዕዉታት ውፅኢታት ልዑል እጃም ዝተዋፀአ ተፃዋታይ ኢዩ፡፡