ቀ/ሚ ኣቢይ(ዶ/ር) ፕሮጀክት መሰረተ ልምዓት መስኖ ጎዴ ሎሚ መዓልቲ መሪቖም

ኣዲስ ኣበባ፣ 25 ታሕሳስ፣ 2017 (ኤፍ ኤም ሲ)ቀዳማይ ሚኒስትር ኣቢይ ኣሕመድ(ዶ/ር) ፕሮጀክት መሰረተ ልምዓት መስኖ ጎዴ ሎሚ መዓልቲ መሪቖም።

እቶም ቀዳማይ ሚኒስትር ኣብ ማሕበራዊ ሚዲየኦም ኣብ ዘመሓላለፍዎ መልእኽቲ፥ ቅድሚ ዓመት ናብ ጎዴ መፂአ ነይረ፤ ካብኡ ንደሓር ዝካየድ ዘሎ ለውጢ ዝተባባዕ ኢዩ ኢሎም።

ኣብ ልምዓት ጠመተ ክንገብር ኣለና ብምባል፥ እቲ መገዲ ንዕድላት ኣፍደገ ዝኸፍት፣ ደረጃ ህይወት ዘመሓይሽን ማሕበረሰብ ዘሻግርን ጎደና ኢዩ ክብሉ ገሊፆም።

ኣብ ፕሮጀክት መስኖ ምዕራብ ጎዴ በዝተፈለየ ታሕጓስ ከምዝተሰመዖም ተዛሪቦም።

ኣብ ዝኾነ እዋን በረኻ ዝነበረ መሬት ብመስኖ ሐዚ ተሓሪሱ ብተስፋ ወሃቢ ዓቕሚ ብዘራእቲ ሰሊጥ፣ ስርናይ፣ ዕፉንን ካልኦት ፍራምረን ዝተመልአ ስፍራ ኮይኑ ኣሎ ኢሎም።