ቀዳማይ ሚኒስትር ኣቢይ ኣሕመድ ምስ ሓለፍቲ ስራሕ ባንኪ ዓለምን ኣይ ኤም ኤፍን ዘቲዮም

ኣዲስ ኣበባ፣ 16 ሰነ፣ 2015 (ኤፍ ቢ ሲ)ቀዳማይ ሚኒስትር ኣቢይ ኣሕመድ ምስ ፕሬዚዳንት ባንኪ ዓለም ኣጃይ ባንጋ ዘቲዮም።

እቶም ቀዳማይ ሚኒስትር ኣብ ማሕበራዊ ሚዲየኦም ኣብ ዘመሓላለፍዎ መልእኽቲ፥ “ምስ ሓዱሽ ፕሬዚዳነት ባንኪ ዓለም ኣብ ዝተፈላለዩ ዛዕባታት ዝጠመተ ዘተ ኣካይድና” ኢሎም።

እቲ ባንኪ ንለውጢ ክሌማ፣ ለበዳ፣ ጎንፅን ካልኦት ሓደሽቲ ብድሆታትን ምላሽ ናይ ምሃብ ልኡኽ ንከጎልብት ኢትዮጵያ ከምእተተባብዕ ኣረጋጊፆም።

ቀዳማይ ሚኒስትር ኣቢይን ኣጃይ ባንጋን ኣብ ፈረንሳይ ፓሪስ ይሳለጥ ኣብ ዘሎ ዓለም ለኸ ጉባኤ ሓዱሽ ስምምዕነት ፋይናንስ ጎኒ ንጎኒ ኢዮም ተዛቲዮም።

ብተመሳሳሊ ምስ ሓላፊት ትካል ገንዘብ ዓለም (ኣይ ኤም ኤፍ) ክሪስታሊና ጆርጄቫ መዝታዮም ገሊፆም።

እቲ ትካል ንለውጢ ክሌማ ምላሽ ንምሃብ ዝገብሮ ዝተጠናኸረ ፃዕሪን ቀፃሊ ድጋፍን ዝተባብዑ ከምዝኾኑ ሓቢሮም።