ቀዳማይ ሚኒስትር ኣቢይ ኣሕመድ ሓዱሽ ናይ ኢቢሲ ሚዲያ ኮምፕሌክስ መሪቖም
ኣዲስ ኣበባ፣ 28 ሰነ፣ 2015 (ኤፍ ቢ ሲ)ቀዳማይ ሚኒስትር ኣቢይ ኣሕመድ ኣብ ኣዲስ ኣበባ ብተለምዶ ሸጎሌ ተባሂሉ ኣብ ዝፍለጥ ከባቢ ዝተሃነፀ ሓዱሽ ናይ ኢትዮጵያ ብሮድካስቲንግ ኮርፖሬሽን (ኢቢሲ) ሚዲያ ኮምፕሌክስ መሪቖም ከፊቶም።
ኣብቲ ስነ-ስርዓት ምረቓ ኣፈ ጉባኤ ባይቶ ወከልቲ ህዝቢ ታገሰ ጫፎ ሓዊሱ ካልኦት ላዕለዎት ሓለፍቲ ስራሕ መንግስቲ ተረኺቦም፡፡
ቀዳማይ ሚኒስትር ኣቢይ ኣብቲ እዋን ኣብ ዝገበሩዎ መደረ÷ “ኢቢሲ ድምፅ ዘጋውሕ ዘይኮነስ ድምፂ ዝፈጥር ሚዲያ ክኸውን ትፅቢት ይግበረሉ” ኢሎም።
ንመንግስቲ ጥራሕ ዘይኮነስ ብቐንዱ ናይ ህዝቢ ድምፂን ልሳንን ክኸውን ይግባእ ዝበሉ እቶም ቀዳማይ ሚኒስትር÷ ሚዲያ ዓለም ካብ ዝልውጡ ዓበይቲ መሳርሒታት ሓደ ስለዝኾነ ኢትዮጵያ እውን በቲ ዓውዲ ንኽትቅየር ኢቢሲ ዓብዪ ግደ ከምዘለዎ ኣብሪሆም።
እቲ ሓዱሽ ሚዲያ ኮምፕሌክስ÷ ዓለም ብዝበፅሖ ሚዲያ ቴክኖሎጂ ዝተወደቡ ስቱዲዮታት ዘለዉዎ ከምዝኾነ ተሓቢሩ፡፡
ኢቢሲ “ንልዕልና ኢትዮጵያ” ብዝብል መሪሕ ቃል ብኩሎም ኣማራፂታቱ ሓደሽቲ ትሕዝቶታትን ኣቀራርባታን ኣካቲቱ ናብ ኣድመፅቲን ተመልከትቲን ንምብፃሕ ምድላው ከምዝዛዘመ ኣፍሊጡ፡፡
እዋናዊ ሓበሬታ ንምርካብ፦
ቴሌግራም ገፅናhttps://t.e/tigrignafana
ድረ ገፅና https://www.fanabc.com/tigrigna/
ትዊተር ገፅና https://twitter.com/fanatelevision
ዩቲዩብ ቻናል FBC Tigrigna https://www.youtube.com/…
ሓዱሽ መተግበሪ ፋና ብሮድካስቲንግ ኮርፖሬት https://play.google.com