ቀዋሚ ኮሚቴ ጉዳያት ድጎማ በጀትን ሓበራዊ እቶትን ኣብ ዝተፈላለዩ ዛዕባታት ይዝቲ ኣሎ

ኣዲስ ኣበባ፣ 6 ሓምለ፣ 2014 (ኤፍ ቢ ሲ)ቀዋሚ ኮሚቴ ጉዳያት ድጎማ በጀትን ሓበራዊ እቶትን ኩሎም ርእሳነ ምምሕዳር ክልላት ኣብ ዝረኸቡሉ ኣብ ዝተፈላለዩ ዛዕባታት ይዝቲ ኣሎ።

ንብሄር ብሄረሰባትን ህዝቢታትን ኢትዮጵያ ኩለመዳይ ኣገልግሎት እናሃ ዝርከብ ቀዋሚ ኮሚቴ ጉዳያት ድጎማ በጀትን ሓበራዊ እቶትን ኣኣብ ሞንጎ ክልላት ውፅኢታዊን ፍትሓዊ ክፍፍል ሃፍቲን ንምርግጋፅ ዝሕግዝ ቀመር ሓበራዊ ድጎማን እቶትን ፌዴራል ክዳሎ እናሰርሐ ምዃኑ ተመልኪቱ፡፡

እቲ ኮሚቴ ካብዚ ሓሊፉ እቶም መከፋፈሊ ቀመራት ብፍትሓዊ ክፍፍል ሃፍቲን ኣብ ክልላት ዝተመጣጠነ ዕቤትን ዘለዎ ትርጉም ንኸፅንዕ ብምግባርን ውሳነ ሓሳባት ናብቲ ቤት ምኽሪ ብምቕራብን ተስፋ ዝህብ ውፅኢት ንኸመዝግቡ ፃዕሪ ከምዝገበረ ተገሊፁ፡፡

ካብዚ ብተወሳኺ ዝርገሐ መስመራት መሰረተ ልምዓ ፌዴራል ፍትሓዊ ንኽኾኑ ዝሕግዝ ስርዓት ኣሰራርሓ እናዘርገሐ ከምዝርከብ ተሓቢሩ፡፡

ብመሰረት እዚ ቀዋሚ ኮሚቴ ጉዳያት ድጎማ በጀትን ሓበራዊ እቶትን ፀብፃብ ኣፈፃፅማ ትልሚ በጀት ዓመት 2014 ሓዊሱ ኣብ ዝተፈላለዩ ዛዕባታት ኩሎም ርእሳነ ምምሕዳር ክልላትን መዳርግቲ ኣካላትን ኣብ ዝተረኸቡሉ እናዘተየ ከምዝኾነ ካብቲ ቤት ምኽሪ ዝረኸብናዮ ሓበሬታ የረድእ፡፡

እዋናዊ ሓበሬታ ንምርካብ፦

ቴሌግራም https://t.e/tigrignafana

ድረ ገፅና https://www.fanabc.com/tigrigna/

ትዊተር ገፅና https://twitter.com/fanatelevision

ዩቲዩብ ቻናል FBC Tigrigna https://www.youtube.com