ቀሊል ባቡር ኣዲስ ኣበባ ስራሕ ካብ ዝጅምር ኣትሒዙ ልዕሊ 550 ግዘ ብኣሽከርከርቲ ጉድኣት በፂሑዎ

ኣዲስ ኣበባ ፣ 18 ሰነ፣ 2013 (ኤፍ ቢ ሲ)ቀሊል ባቡር ኣዲስ ኣበባ ስራሕ ካብ ዝጅምር ኣትሒዙ ልዕሊ 550 ግዘ ብኣሽከርከርቲ ጉድኣት ከምዝበፅሖ ተገሊፁ።

ዋና መካየዲ ስራሕ ቀሊል ባቡር ኣዲስ ኣበባ ኣይተ ሙሉቀን ኣሰፋ፥ ሎሚ መዓልቲ ቪትዝ ተሸከርካሪት ኣብ ከባቢ ኡራኤል ሓፁር እቲ መገዲ ባቡር ጥሒሳ ከምዝኣተወት ንፋና ብርድካስቲንግ ኮርፖሬት ገሊፆም።

ነዚ ስዒቡ ድማ ንሰለስተ ሰዓታት ዘኣክል ኣገልግሎት ትራንስፖርት ባቡር ተቛሪፁ ከምዝነበረ ኣብሪሆም።

እታ ተሸከርካሪት ዘብፀሐቶ ጉድኣት ግምቱ ድሕሪ ክልተ መዓልቲ ከምዝፍለጥ ብምሕባር፤ ኣገልግሎት ትራንስፖርት ከምዝጀመረ ተዛሪቦም፡፡

ካብ ጦር ሃይሎች ክሳብ ኣያት ኣብ ዘሎ መስመር ባቡር፥ ገናሕቲ መኪና ሓፁር እቲ ባቡር ሰቢሮም ብምእታው ብተደጋጋሚ ኣብ ልዕሊ መስመራት መመሓላለፊ ሓይሊ ጉድኣት እናብፅሑ ከምዝኾኑ እውን ኣገንዚቦም።

ይኹን እምበር ክሳብ ሕዚ ኣብ ልዕሊ ሰባት ዝበፅሐ ጉድኣት ከምዘየለ እቶም መካየዲ ስራሕ ገሊፆም፡፡

ኣሽከርከርቲ ቀትሪ ይኹን ለይቲ ጥንቃቐ ገይሮም ከሽከርክሩ ከምዝግባእ ኣተሓሳሲቦም።

ብሲሳይ ጌትነት

እዋናዊ ሓበሬታ ንምርካብ፦

ቴሌግራም ገፅና https://t.e/tigrignafana

ድረ ገፅና https://www.fanabc.com/tigrigna/

ትዊተር ገፅና https://twitter.com/fanatelevision

ዩቲዩብ ቻናል FBC Tigrigna

https://www.youtube.com/…/%E1%88%B0%E1%89%A5%E1%88%B5… ይግበሩ/ራ!

ሓዱሽ መተግበሪ ፋና ብሮድካስቲንግ ኮርፖሬት

https://play.google.com/store/apps/details… ኣብ ቴሌፎኖም/ነን ብምፅዓን ቀጥታ ፈነወ ቴሌቪዥን፣ ኤፍኤም 98.1ን ብሄራዊ ራዲዮን ይከታተሉ/ላ።