ስጉምቲ ምኽባር ሕጊ ህዝቢ ኣብ ልዕሊ መንግስቲ ዘለዎ እምነት ክፀንዕ ዝገበረ ከምዝኾነ ኣባላት ኮሚቴ ፈፃሚ ስራሕ ፓርቲ ብልፅግና ገሊፆም

ኣዲስ ኣበባ፣ 16 ሰነ፣ 2014 (ኤፍ ቢ ሲ)ስጉምቲ ምኽባር ሕጊ ህዝቢ ኣብ ልዕሊ መንግስቲ ዘለዎ እምነት ክፀንዕ ዝገበረ ከምዝኾነ ኣባላት ኮሚቴ ፈፃሚ ስራሕ ፓርቲ ብልፅግና ገሊፆም።

ጠንካራ መንግስቲ ኣብ ዘይማዕበለሉን ጎንፂ ኣብ ዘለወሉን ቀርኒ ኣፍሪካ፥ ኢትዮጵያ ናብኡ ንምእታው ታሪኻዊ ፀላእቲን ውሽጣዊ ባንዳታተን ለይቲን ቀትሪን ሰሪሖም ኢዮም።

ብፍላይ ግብረ ራዕዲ ህወሓትን ተለኣኣኽቲን ኣብ ፅባሕ ለውጢ ሃገራዊ ቅልውላውን ትርምስን ንክፍጠር ፃዕሪ እናገበሩ ከምዘፀንሑ እቶም ኣባላት ገሊፆም።

ኣባላት ኮሚቴ ፈፃሚ ስራሕ ፓርቲ ብልፅግና ኣይተ ተመስገን ጥሩነህ፣ሓጂ ኣወል ኣርባ፣ ኣይተ መለስ ኣለሙን ኣይተ ሳዳት ነሻን፥ እቲ ለውጢ ንምትዕንቓፍ ይፍትኑ ኣብ ድሕሪ ዝነበሩ ፈተናታት ህወሓትን ተለኣኣኽቱን ኢድ ኣለዎ ኢሎም።

እቲ ጉጅለ ራዕዲ ቅድም ኢሉ ብዝዘርገሖ ውሽጣዊን ደጋዊን መርበብ ድሕሪ ለውጢ ኣብ ዝነበሩ ዕንወታትን ዘረፋን ንብረት፣ ጎንፂ ሃይማኖት፣ መጥቃዕቲ ንፁሃን ብቐዳምነት ዝጥቀስ ኢዩ ኢሎም።

ስለዝኾነ ኣብ ዝሓለፉ ዓማውቲ በዝተፈጠሩ ፀገማት ሰላምን ፀፅታን ህዝቢ ንሞት፣ ንዕንወት ንብረትን ምምዝባልን ከምዘቃልዕዎ ገሊፆም።

ድሕሪ ምስረታ ፓርቲ ብልፅግና ህዝባዊ ሕቶታት ብሃገራዊ ስርዓትን ሕጊን ኣብ ምኽባር ውፅኢታዊ ስራሕ ከምዝተሰርሐ ድማ ሓቢሮም።

ሀዝቢ ምስ ሓይሊታት ፀፅታን ኣመራርሓ እቲ ፓርቲን ብምዃን ሰላምን ፀፅታን ኣብ ምርግጋፅ ፅኑዕ ምትሕብባር ከምዘገበረ ተዛሪቦም ከበል ግዜኢ ፀብፂቡ።

እዋናዊ ሓበሬታ ንምርካብ፦

ቴሌግራም ገፅናhttps://t.e/tigrignafana

ድረ ገፅና https://www.fanabc.com/tigrigna/

ትዊተር ገፅና https://twitter.com/fanatelevision

ዩቲዩብ ቻናል FBC Tigrigna

https://www.youtube.com/…/%E1%88%B0%E1%89%A5%E1%88%B5… ይግበሩ/ራ!

ሓዱሽ መተግበሪ ፋና ብሮድካስቲንግ ኮርፖሬት

https://play.google.com/store/apps/details… ኣብ ቴሌፎኖም/ነን ብምፅዓን ቀጥታ ፈነወ ቴሌቪዥን፣ ኤፍኤም 98.1ን ብሄራዊ ራዲዮን ይከታተሉ/ላ። ተንቀሳቐስቲ ምስልታት እውን ይከታተሉ/ላ።