ሰራዊት ምክልኻል ናይ መወዳእታ ምዕራፍ ወፍሪ ንኽጅምር ትእዛዝ ከምዝተውሃቦ ቀ/ሚ ኣቢይ ኣሕመድ ኣፍሊጦም

ሙሉእ ትሕዝቶ ናይቲ መግለፂ ከምዚ ዝስዕብ ቀሪቡ ኣሎ፦

“ናይ መወዳእታ ምዕራፍ ወፍሪ ተጀሚሩ።

ዝተውሃበ ገደብ እዋን 72 ሰዓታት ተዛዚሙ፤ ኣብ ናይ መወዳእታ ምዕራፍ ወፍሪ ምኽባር ሕጊ ተበፂሑ ኣሎ። ኣብ ውሽጢ እቲ ዝተውሃበ 72 ሰዓታት ብኣሽሓት ዝቑፀሩ ኣባላት ፍሉይ ሓይሊ ትግራይን ሚሊሻታትን ኢዶም ንሰራዊት ምክልኻል ሂቦም ኢዮም።

ብዙሓት መናእሰይ ትግራይ እውን እኩይ ዕላማ ህወሓት ተረዲኦም ኢዶም ኣኪቦም ኢዮም። ኣብ ናይ መወዳእታ ሰዓት እውን እንተኾነ ዝተወሰደ ውሳነ ሓላፍነት ዝስመዖ ህሊና ካብ ዘለዎ ፍጡር ትፅቢት ዝግበረሉ ውሳነ ኢዩ።

መንግስቲ ገደብ 72 ሰዓታት እንትህብ ቀንዲ ዕላምኡ ክለተ ኢዩ ነይሩ።

ቀዳማይ፦ ወፍሪ ምኽባር ሕጊ እምበር ኲናት ከምዘይኮነ ምግላፅ፤ ገበነኛ ጁንታ ህወሓት ብሰላም ኢዱ ክህብ እንተኽኢሉ እቲ ወፍሪ ብምዝዛም ብትሑት ዋጋ ሕጊ ምኽባር ይከኣል ኢዩ ኢሉ የኣምን፤ ነዚ እንተበሃል ድማ ተደጋጋሚ ዕድላት ሂቡ ነይሩ።

ካልኣይ ድማ፦ ደንጉዩ እውን እንተኾነ ዕላማ ትፍኣት ህወሓት ዝተረደኦ ዋላ ሓደ ሰብ እንተተረኺቡ ንዕኡ ንምትራፍ ኢዩ።

ንጁንታ ህወሓት ዝተኸፈተ ናይ መወዳእታ ሰላዊ በሪ ብምኽያት እብሪት እቲ ጁንታ ተዓፂዩ ኢዩ። ዕላማ ጥፍኣቶም ተገንዚቡ ንዝምለስ ሰብ በቲ ዝተኸፈተ ግና ብኣሽሓት ዝቑፀሩ ኣባላት ፍሉይ ሓይሊን ሚሊሻን ትግራይ ኢዶም እናሃቡ ኣቲዮምሉ ኢዮም።

ሰራዊት ምክልኻልና ናይ መወዳእታን ሳልሳይን ወፍሪ ንኽፍፅም ትእዛዝ ተዋሂቡዎ ኣሎ። ኣብቲ ወፍሪ ንንፁሃን ሰባት ልዑል ጥንቃቐ ክንገብር ኢና፤ ብረሃፅ ህዝብና ዝተሃነፀት ከተማ መቐለ ዝኸፍአ ጉድኣት ከይረኽባ ዝከኣሎ ኩሉ ክገብር ኢዩ።

ሓድጊታት፣ ኣቢያተ እምነት፣ ህዝቢ ዝግልገለሎም ነገራት፣ ትካላት ልምዓትን መንበሪ ኣባይቲን ዕላማ መጥቃዕቲ ከይኾኑ ኩሉ ዓይነት ጥንቃቐ ክግበር ኢዩ።

ኣብ ከተማ መቐለን ከባቢኣን ዝነብር ህዝቢና ዕጥቁ ፈቲሑ ኣብ ገዝኡ ብምቕማጥ ካብ ወታደራዊ ዒላማታት ብምርሓቕ ኣድላዪ ጥንቃቐ ንኽገብር ፃውዒት ነቕርብ።

ብምኽንያት ውሑዳት ኣባላት ጁንታ ህወሓት ዝበፅ ጉድኣት ንምንካይ፥ ህዝቢ ኣባላት እቲ ጁንታ ኣሕሊፉ ብመሃብ ናይባዕሉ ኣስተዋፅኦ ንኽገብር ፃውዒት ነቕርብ።

ሰራዊት ምክልኻልና ኣብ ልዕሊ ሰላማዊ ዜጋታት፣ ሓድጊታት፣ ኣቢያተ እምነት፣ ትካላት ልምዓትን ንብረታትን ጉድኣት እንተየብፀሐ ነቲ ጁንታ ናብ ሕጊ ዘቕርበሉ ጥንቃቐ ዝተመልኦ ወፍሪ ከምዝሓንፀፀ ከነረጋግፀልኩም ንፈቱ።”