ሰራዊት ምክልኻል ሃገራዊ ልኡኽቶኡ ካብ ምፍፃም ጎድና ጎድኒ ሰፋሕቲ ስራሕቲ ልምዓት እናሰርሐ ይርከብ – ፊልድ ማርሻል ብርሃኑ

ኣዲስ ኣበባ፣ 23 ታሕሳስ፣ 2017 (ኤፍ ኤም ሲ)ላዕለዋይ ኤታማዦር ሹም ሓይሊታት ጦር ፊልድ ማርሻል ብርሃኑ ጁላ ኣካል ልምዓት ኮሪደር ኣብ ዝኾኑ ስራሕቲ ህንፀት መሰረተ ልምዓታት ምክልኻል ተዓዚቦም፡፡

ኣብ ዑደቶም ድማ ኣብ ቀፅሪ ላዕለዋይ መምርሒ ሰራዊት ምክልኻልን ኣብ ማእኸላት ሎጀስቲክስን እናተሰርሑ ዝርከቡ ስራሕቲ ህንፀትን ማእኸላትን ሓምለዋይ፣ ውቁብን ፅሩይን ከባቢ ስራሕ ንምግባር እናተወገኑ ዝርከቡ ስራሕቲ ልምዓት ተመልኪቶም፡፡

ፊልድ ማርሻል ብርሃኑ÷ “ሰራዊት ምክልኻል ሉኣላዊነት ሃገር ምኽባር ዜጋታት ብሰላም ወፂኦም ብሰላም ንኽኣትዉ ድሕንነቶም ዝተረጋገፀን ሰላሞም ዝተሓለወን ንኽኸውን ዝተውሃበ ሃገራዊ ልኡኽቶ እናፈፀመ ይርከብ” ኢሎም፡፡

ካብዚ ጎድና ጎድኒ ኣብ መዳይ ልምዓት እውን ከም ሃገር ዝተቐመጠ ኣንፈት ስዒቡ ኩለመዳይን ሰፋሕቲን ህንፀፃ መሰረተ ልምዓትን ስራሕቲ ልምዓት እናወገነ ከምዝርከብ ምግላፆም ካብ ማሕበራዊ ሚዲያ ሰራዊት ምክልኻል ዝረኸብናዮ ሓበሬታ የረድእ፡፡