ሰላም ንምዝራግ ኣብ ልዕሊ ዝንቀሳቐሱ ኣካላት ስጉምቲ ንምውሳድ ኣብ ዘኽእል ቁመናን ብቕዓትን ንርከብ-መንግስቲ

ኣዲስ ኣበባ፣ 25 ግንቦት፣ 2014 (ኤፍ ቢ ሲ)ሰላም ንምዝራግ ኣብ ልዕሊ ዝንቀሳቐሱ ኣካላት ስጉምቲ ንምውሳድ ኣብ ዘኽእል ዘተኣማምን ቁመናን ብቕዓትን ንርከብ ክብል ኣገልግሎት ኮሚኒኬሽን መንግስቲ ኣፍሊጡ።

ሚኒስትር ኣገልግሎት ኮሚኒኬሽን መንግስቲ ዶክተር ለገሰ ቱሉ ኣብ እዋናዊ ኩነታት ብምድሃብ ምስ ፋና ብሮድካስቲንግ ኮርፖሬት ኣብ ዝነበሮም ፃንሒት፥ ሰላም ንምዝራግ ኣብ ልዕሊ ዝንቀሳቐሱ ኣካላት ስጉምቲ ንምውሳድ ኣብ ዘኽእል ቁመናን ብቕዓትን ንርከብ ኢሎም።

መንግስቲ ኣብ ዓበይቲ ከተማታት ምስ ህዝቢ ዘተ ምግባሩ ብምዝኽኻር፥ ኣብቶም ዘተታት በቢከባቢኡ ዝፍፀሙ ክትራን፣ መቕተልቲ፣ ምምዝባልን ስግኣትን ንህዝቢ ልዑል ስግኣት ከምዝኾንዎ ምግላፁ ሓቢሮም።

እቶም ፀገማት ኣብ ምፍታሕ መንግስቲ ቅልጡፍ ስጉምቲ ክወስድ ኣለዎ ምባሉ እውን ገሊፆም።

ምኽባር ሕጊ ብዝምልከት ካብ ህዝቢ ዝቐረበ ከምዝኾነ ዝገለፁ ዶክተር ለገሰ÷ እቲ ስራሕ ካብ ፌዴራል ክሳብ ክልል ብምውዳድ ይስራሕ ከምዘሎ ሓቢሮም።

ብዋናነት ኣብ ክልል ኦሮሚያ ግብረ ራዕዲ ሸኔ ማእኸል ብምግባር ምስቲ ጉጅለ ምትእስሳር ዘለዎ ጉጅለ ራዕዲ ኣልሸባብ ከምኡውን ቅድም ክብል ግብረ ራዕዲ ህወሓት ዝፈጠሮም ምትእስሳራትን ነቲ ክልል ኣብ ዘዋስኑ ክልላት ደቡብ፣ ሲዳማን ሶማሊያን ሕጊ ናይ ምኽባር ስጉምቲ ይውሰዱ ኣለዉ ኢሎም።

ኣብ ኣዲስ ኣበባ እውን ኣዝዩ ዝተወደበን ንወራር ዝተዳለወን ናብ ስራሕ ዝኣተወን ሓይሊ ከምዘሎ እቶም ሚኒስትር ተዛሪቦም።

ብድምሩ ቁልፊ ተባሂሎም ኣብ ዝተለለዩ ቦታታት ብዝተወሰደ ስጉምቲ እቶም ከባቢታት ነፃ ምውፅኦምን ህዝቢ እውን ምርግጋዕ ከምዝኸኣለን ዶክተር ለገሰ ቱሉ ሓቢሮም።

እዋናዊ ሓበሬታ ንምርካብ፦

ቴሌግራም ገፅናhttps://t.e/tigrignafana

ድረ ገፅና https://www.fanabc.com/tigrigna/

ትዊተር ገፅና https://twitter.com/fanatelevision

ዩቲዩብ ቻናል FBC Tigrigna

https://www.youtube.com/…/%E1%88%B0%E1%89%A5%E1%88%B5… ይግበሩ/ራ!

ሓዱሽ መተግበሪ ፋና ብሮድካስቲንግ ኮርፖሬት

https://play.google.com/store/apps/details… ኣብ ቴሌፎኖም/ነን ብምፅዓን ቀጥታ ፈነወ ቴሌቪዥን፣ ኤፍኤም 98.1ን ብሄራዊ ራዲዮን ይከታተሉ/ላ። ተንቀሳቐስቲ ምስልታት እውን ይከታተሉ/ላ።