ሞሮኮ ኣብ ዓውዲታት ባንኪን ካልኦት ዓውዲታትን ብምትሕብባር ምስ ኢትዮጵያ ክሰርሕ ኢየ ኢላ
ኣዲስ ኣበባ፣ 23 ሓምለ፣ 2015 (ኤፍ ቢ ሲ)ሞሮኮ ኣብ ዓውዲታት ባንኪን ካልኦት ዓውዲታትን ብምትሕብባር ምስ ኢትዮጵያ ከምትሰርሕ ኣምባሳደር ሞሮኮ ኣብ ኢትዮጵያ ኔዛ ኣሎዩ ምሃምዲ ገሊፀን።
ኣምባሳደር ኔዛ ኣሎዩ ምሃምዲ፥ ኩለመዳይ ዓውዲታት ምትሕብብባር ክልቲአን ሃገራት ብውፅኢታዊነቱ ከምዝቐፀለ ኣብሪሀን።
ንጉስ ሞሮኮ መሓመድ ሻድሻይ ከም ኣቆፃፅራ ኣውሮፓውያን 2016 ኣብ ኢትዮጵያ ዑደት ምግባሮም ስዒቡ እታ ሃገር 16 ሓባራዊ ስምምዕነት ብምፍርራም ንተግባራዊነቱ ኣብ ምንቅስቓስ ከምትርከብ ገሊፀን፡፡
በዚ ድማ ኢትዮጵያን ሞሮኮን ምሕዝነተንን ርክብ ምትሕብባረንን ናብ ዝላዓለ ብርኪ ከምዝተሰጋገረ ተዛሪበን፡፡
ብፍላይ ድማ ኣብ ሕርሻ፣ ትምህርቲ፣ ኢንቨስትመንትን ቁጠባን ብምትሕብባር እናሰርሓ ከምዝርከባ ምግላፀን ግዜኢ ፀብፂቡ፡፡
“ኢትዮጵያን ሞሮኮን ርክብ ኩለመዳይ ምትሕብባረን ብዕውት ኩነታት ብውፅኢታዊነቱ ቐፂሉ እዩ” ዝበላ እተን ኣምባሳደር÷ ተሳትፎ ውልቀ ዘፈራት ብምጥንኻር ኣብ ባንኪን ካልኦት ዓውድታትን ብምትሕብባር ከምዝስርሕ ኣረጋጊፀን፡፡
እዋናዊ ሓበሬታ ንምርካብ፦
ቴሌግራም ገፅናhttps://t.e/tigrignafana
ድረ ገፅና https://www.fanabc.com/tigrigna/
ትዊተር ገፅና https://twitter.com/fanatelevision
ዩቲዩብ ቻናል FBC Tigrigna https://www.youtube.com/…
ሓዱሽ መተግበሪ ፋና ብሮድካስቲንግ ኮርፖሬት https://play.google.com