ምክትል ጠ/ኢታማዦር ሹም ጄነራል ኣበባው ታደሰ ምስ ላዕለዎት ኣመራርሓ ግንባር እዝ ሰሜን ወሎ ተዛቲዮም

ኣዲስ ኣበባ ፣ 6 መስከረም ፣ 2014 (ኤፍ ቢ ሲ)ምክትል ጠ/ኢታማዦር ሹም ፌዴሪኢ ጄነራል ኣበባው ታደሰ ምስ ላዕለዎት ኣመራርሓ ግንባር እዝ ሰሜን ወሎ ኣብ ክሊ ኣፈፃፅማ ግዳጅ ተዛቲዮም።

እቶም ምክትል ጠቅላይ ኢታማዦር ሹም፥ ንዝኾነ ይኹን ዘይንብርከኽ ናይ መከላከያ ሠራዊት ካብ ናይ ቀደም ታሪክ ኢትዮጵያ ብምብጋስ ኣብ ህልውና ሃገር ዘንፀላለወ ሓይሊ ግብረ ራዕዲ ንምድምሳስ ዝገብሮ ዘሎ ዕዉት ኦፕሬሽን ንኢዶም።

ጄነራል ኣበባው ኣብቲ ዘተ፥ ሰራዊት ብተደጋጋሚ ዘመዝግቦም ዓወታት ሓይሊ ግብረ ራዕዲ ንምድምሳስ ኣብ ኣተኣማማኒ ቁመና ዘሎ ብምዃኑ ንዝለዓለ ኣፈፃፅማ ግዳጅ ዓቕሚ ናይ ምፍጣር ተግባር ተጠናኺሩ ክቕፅል ከምዝግባእ ተዛሪቦም።

ዋና ኣዛዚ ማእከላዊ እዝ ብግደኦም፥ ሰራዊት ህዝባዊነት ባህሩ ሓሊዩ ነቲ ሓይሊ ገብረ ራዕዲ ክሳዱ እናድነነ ሸሊኹ ዝኣተወሎም ሓደ ሓደ ከባቢታት ብምልቃቕ ዘኹርዕ ታሪኽ ይሰርሕ ኣሎ ኢሎም።

ግብረ ራዕዲ ጉጅለ ህወሓት ኣብ ልዕሊ ህዝቢ ዘብፅሖ ዘሎ ግፍዕን በደልን ብምግንዛብ ኣብ ዝሓፀረ ግዜ ስጉምቲ ብምውሳድ ዝተፈናቐለ ማሕበረሰብ ናብ መረበቱ ንክምለስ ብምግባር ኣብ ግንባር ዘሎ ሓይሊ ናይ ፀላኢ ቅስሚ ይሰብር ኣሎ ክብሉ ምግላፆም ካብ ፌስ ቡክ ገፅ መከላከያ ሰራዊት ዝረኸብናዮ ሓበሬታ የረድእ።

እዋናዊ ሓበሬታ ንምርካብ፦

ቴሌግራም ገፅናhttps://t.e/tigrignafana

ድረ ገፅና https://www.fanabc.com/tigrigna/

ትዊተር ገፅና https://twitter.com/fanatelevision

ዩቲዩብ ቻናል FBC Tigrigna

https://www.youtube.com/…/%E1%88%B0%E1%89%A5%E1%88%B5… ይግበሩ/ራ!

ሓዱሽ መተግበሪ ፋና ብሮድካስቲንግ ኮርፖሬት

https://play.google.com/store/apps/details… ኣብ ቴሌፎኖም/ነን ብምፅዓን ቀጥታ ፈነወ ቴሌቪዥን፣ ኤፍኤም 98.1ን ብሄራዊ ራዲዮን ይከታተሉ/ላ። ተንቀሳቐስቲ ምስልታት እውን ይከታተሉ/ላ።