ማረት ብልዕሊ 2 ሚሊየን ብር ዝዓደገቶ ዘበናዊ መመርመሪ መዓር ንቢሮ ሕርሻን ገጠር ልምዓትን ኣረኪባ

እቲ ዘበናዊ መመርመሪ መዓር ኣብ ትግራይ ንመጀመሪያ ግዘ ዝተኣታተወ ከምዝኾነ ድማ ተሓቢሩ።

ኣብ ማዓር ዘጋጥም ዝነበረ ምስ ባእድ ነገራት ናይ ምትሕውዋስ ፀገም ኣብ ምትራፍ ዝለዓለ ኣስተዋፅኦ ዝህልዎ እዩ ተባሂሉ።

ኣብቲ ስነ ስርዓት ርኽክብ ዝተረኸቡ ሓላፊ ቢሮ ሕርሻ ክልል ትግራይ ዶ/ር ኣትንኩት መዝገቡ፥ “እዚ ማሽን ካብቶም ሕርሻ ትግራይ ንምዝማን እንጥቀመሎም መሳርሒታት ሓደ እታወት እዩ፤ ንቐፃሊ ድማ እናማዕበልናዮን እናስፋሕናዮን ክንከይድ ኢና” ኢሎም።

ነቲ ዝተኣታተወ ሓዱሽ ዘበናዊ ላብራቶሪ ዝከታተሉ 20 ካብ ዝተፈላለዩ ኣብያተ ዕዮ ዝተውፃእፅኡ ሰብ ሞያ፥ ካብ ዓዲ እንግሊዝ ብዝመፅኡ ሰብ ሞያ ስልጠና ከምዝተውሃቦም ተገሊፁ።