መገዲ ቅልጣፈ ሞጆ-መቂ-ባቱ ምትእስሳር ንግዲ ምብራቕ ኣፍሪካ ከምዘቀላጥፍ ተገሊፁ
ኣዲስ ኣበባ ፣ 24 ሰነ፣ 2013 (ኤፍ ቢ ሲ)መገዲ ቅልጣፈ ሞጆ-መቂ-ባቱ ምትእስሳር ንግዲ ምብራቕ ኣፍሪካ ከምዘቀላጥፍ ተገሊፁ።
መገዲ ቅልጣፈ ሞጆ-መቂ-ባቱን ኣብ ቀፃሊ ዝስርሑ ፕሮጀክታትን ምትእስሳር ንግዲ ምብራቕ ኣፍሪካን ከባቢኡን ብምቅልጣፍ ኢኮኖሚያዊ ምዕባለ ዘረጋግፁ ከምዝኾኑ ጉጅለ ልኡኽ ኣባል ሃገራት ላፕሴት ገሊፆም፡፡
እቶም ልኡኻት እዚ ዝበሉ ኣብ ቀረባ እዋን ህንፀቱ ዝዛዘም መገዲ ቅልጣፈ ሞጆ-መቂ-ባቱ ቁፅሪ ሓደ ዑደት ኣብ ዝገበሩሉ እዋን ኢዩ፡፡
ኣብቲ እዋን ዑደት ሚኒስትር ዲኤታ ትራንስፖርት ኣይተ ካሳሁን ጎፌን ኣይተ የኋሸት ጀመረን ከምኡ እውን ዋና ዳይሬክተር በዓል መዚ መገዲታት ኢትዮጵያ ኢንጂነር ሃብታሙ ተገኝ፤ ነቲ ጉጅለ ልኡኽ ገለፃን መብርሂን ሂቦምዎ፡፡
መገዲ ቅልጣፈ ሞጆ-መቂ-ባቱ ኣካል ኮሪደር መገዲ ኣዲስ ኣበባ-ሞያሌ-ናይሮቢ-ሞምባሳ ስለዝኾነ፥ ኩለመዳይ ምትእስሳር ኣብ ምድንፋዕ ዕዙዝ ግደ ክህልዎ ኢዩ ተባሂሉ፡፡
እቲ ፕሮጀክት ኣብ ስርዓት ናፃ ዞባዊ ንግዲ ኣፍሪካ ንምፍጣር ዝተጀመረ ጉዕዞ ልዑል ሓገዝ ከምዝህልዎ ምግላፁ ካብ በዓል መዚ መገዲታት ኢትዮጵያ ዝረኸብናዮ ሓበሬታ የረድእ፡፡
እዋናዊ ሓበሬታ ንምርካብ፦
ቴሌግራም ገፅና https://t.e/tigrignafana
ድረ ገፅና https://www.fanabc.com/tigrigna/
ትዊተር ገፅና https://twitter.com/fanatelevision
ዩቲዩብ ቻናል FBC Tigrigna
https://www.youtube.com/…/%E1%88%B0%E1%89%A5%E1%88%B5… ይግበሩ/ራ!
ሓዱሽ መተግበሪ ፋና ብሮድካስቲንግ ኮርፖሬት
https://play.google.com/store/apps/details… ኣብ ቴሌፎኖም/ነን ብምፅዓን ቀጥታ ፈነወ ቴሌቪዥን፣ ኤፍኤም 98.1ን ብሄራዊ ራዲዮን ይከታተሉ/ላ።