መድረኽ ዘተ “ክብሪ ንሓድነትን ሕብርነትን ሃገር ንዝተሰውኡ ጀጋኑ” ይሳለጥ ኣሎ

ኣዲስ ኣበባ፣ 4 ሓምለ፣ 2013 (ኤፍ ቢ ሲ)“ክብሪ ንሓድነትን ሕብርነትን ሃገር ንዝተሰውኡ ጀጋኑ” ብዝብል መሪሕ ሓሳብ ኣብ እዋናዊ ጉዳያት ኣድሂቡ ምስ መናእሰይ መድረኽ ዘተ ይሳለጥ ኣሎ።

ኣብቲ መድረኽ ዘተ ምክትል ከንቲባ ምምሕዳር ከተማ ኣዲስ ኣበባ ወይዘሮ ኣዳነች ኣቤቤ፣ መተሓባበሪ ስራሕቲ ህንፀት ሰራዊት ምክልኻል ሌተናል ጀነራል ባጫ ደበሌ፣ ካልኦት ላዕለዎት ሓለፍ ስራሕ መንግስቲን ኣብ ከተማ ኣዲስ ኣበባ ዝርከቡ ሓርበኛታትን ከምኡ እውን መናእሰይ ተሳቲፎም።

ሓላፊ ዘፈር ጉዳያት ትካል ፓርቲ ብልፅግና ኣዲስ ኣበባ ኣይተ ተተካ በቀለ፥ ኣብ ክልል ትግራይ ዝተኻየደ ወፍሪ ምኽባር ሕጊ ሃገር ንምፍራስ ትልሚ ዝነበሮ ህወሓት ከምዝተሰዓረ ገሊፆም።

እቲ ሓይሊ ናብ መቐለ ዘንሰሓበ ብዴሞክራሲያዊ ከይዲ ስዕረት ገጢሙዎ ከምዝኾነ ብምሕባር፤ በዚ ተስፋ ብምቑራፁ ሃገር ንምብትታን ብዙሕ ፃዕሪ ከምዝገበረ ተዛሪቦም።

ይኹን እምበር፥ መንግስቲ ብዘካየዶ ወፍሪ ምኽባር ሕጊ ትልሚ እቲ ጉጅለ ጥፍኣት ከይዕወት ምግባር ከምዝተኸኣለ ኣገንዚቦም።

ኣብዚ ዓመት ዝተኻየደ 6ይ ሃገራዊ መረፃ ዝተዓወተት ኢትዮጵያ፥ ናብ ዝድለ ዴሞክራሲያዊ ኣንፈት ጉዕዞኣ ከምትቕፅል ምግላፆም ግዜኢ ፀብፂቡ።

እዋናዊ ሓበሬታ ንምርካብ፦

ቴሌግራም ገፅና https://t.e/tigrignafana

ድረ ገፅና https://www.fanabc.com/tigrigna/

ትዊተር ገፅና https://twitter.com/fanatelevision

ዩቲዩብ ቻናል FBC Tigrigna

https://www.youtube.com/…/%E1%88%B0%E1%89%A5%E1%88%B5… ይግበሩ/ራ!

ሓዱሽ መተግበሪ ፋና ብሮድካስቲንግ ኮርፖሬት

https://play.google.com/store/apps/details… ኣብ ቴሌፎኖም/ነን ብምፅዓን ቀጥታ ፈነወ ቴሌቪዥን፣ ኤፍኤም 98.1ን ብሄራዊ ራዲዮን ይከታተሉ/ላ።