መዕርፎ ነፈርቲ ኣሉላ ኣባ ነጋ ንዓማዊሉ ዝህቦ ኣገልግሎት ኣጠናኺሩ ክቕፅል ይግባእ ተባሂሉ

ኣዲስ ኣበባ፣ 23 ታሕሳስ፣ 2017 (ኤፍ ኤም ሲ)መገዲ ኣየር ኢትዮጵያ ዓለም ለኸ መዕርፎ ነፈርቲ ኣሉላ ኣባ ነጋ ንዓማዊሉ ዝህቦ ኣገልግሎት ኣጠናኺሩ ክቕፅል ከምዝግባእ ኣብ ባይቶ ወከልቲ ህዝቢ ቀዋሚ ኮሚቴ ጉዳያት ትካላት ልምዓት መንግስቲ ገሊፁ።

እቲ ቀዋሚ ኮሚቴ ኣብ መቐለ ዓለም ለኸ መዕርፎ ነፈርቲ ኣሉላ ኣባ ነጋ ብኣካል ብምርካብ እቲ መዕርፎ ነፈርቲ ንዓማዊሉ ዝህቦ ኣገልግሎትን ዝተጀመሩ ፕሮጀክታትን ተዘዋዊሩ ተዓዚቡ።

እቲ መዕርፎ ነፈርቲ ድሕሪ ስምምዕነት ሰላም ብቐጥታ ናብ ስራሕ ብምእታው ኩለመዳይ ምንቅስቓስ እቲ ክልል ንምንቕቓሕ ዝገበሮ ፃዕሪ ዝበረታታዕ ከምዝኾነ ተገሊፁ።

ብመገዲ ኣየር ኢትዮጵያ እናተሃነፁ ዝነበሩ ቤት ትምህርቲ ኣብረርቲ ህንፀታት መሰረተ ልምዓት ድሕንነትን ብምቁራፆም ሓገዝ ንኽግበር ተሓቲቱ።

ሕፅረት በጀትን እታወታት ዘይምምላእን ኣብ ኣወሃህባ ኣገልግሎት ፅዕንቶ ከምዘሕደረ ሓለፍቲ ስራሕ እቲ መገዲ ኣየር ምግላፆም ካብ ባይቶ ወከልቲ ህዝቢ ዝረኸብናዮ ሓበሬታ የረድእ።

ኣብቲ ክልል ምስ ዝርከቡ ትካላት ብሓባር ምስራሕን ማሕበራዊ ኣገልግሎታትን ወለንታን ብመሃብ ማሕበረሰብ ምሕጋዝ ከምዝግባእ እቲ ቀዋሚ ኮሚቴ ኣተሓሳሲቡ።