መውሃቢ ድምፂ ወረቓቕቲ ዝሓዙ ሰማያዊ ሳንዱቓት ተኸፊቶም ኣብ ዝተረኸቡለን ክልላት ፅባሕ መረፃ ኣይካየደለንን

ኣዲስ ኣበባ፣ 13 ሰነ፣ 2013(ኤፍ ቢ ሲ)መውሃቢ ድምፂ ወረቓቕቲ ዝሓዙ ሰማያዊ ሳንዱቓት ተኸፊቶም ኣብ ዝተረኸቡለን ክልላት ፅባሕ መረፃ ከምዘይካየደለን ብሄራዊ ቦርድ መረፃ ኢትዮጵያ ኣፍሊጡ።

ንሳተን ድማ ኣብ ክልል ኣምሓራ ክልል መረፃ ደምቢያን ተሁለደሬ 1ን 2ን፣ ኣብ ክልል ኦሮሚያ ክልል መረፃ ነገሌን ግንደበረትን ከምዝኾና ሓላፊት ኮሙዩኒኬሽን እቲ ቦርድ ወይዘሪት ሶሊያና ሽመልስ ሎሚ መዓልቲ ኣብ ዝሃበኦ ጋዜጣዊ መግለፂ ተዛሪበን።

እቲ ቦርድ ኣብ ውሳነ ክበፅሕ ዝኸኣለ፥ “ኣብተን ዝተፀርሓ ክልላት መረፃ ወረቓቕቲ መረፃ ዝሓዙ ሰማያዊ ሳንዱቓት ተኸፊቶም ስለዝተረኸቡ ኢዩ” ኢለን።

ኣብ ክልል ደቡብ ክልል መረፃ ስቄ 1ን 2ን ተመሳሳሊ ፀገም ተፈጢሩ ዝነበረ ይኹን እምበር እቶም ሳንዱቓት ፀገም ምንቃዕ ጥራሕ ዘጋጠሞም ስለዝኾነ፥ ኣብቲ ቦታ ዝርከቡ ተናሓናሕቲ ፓርቲታት ተፈራሪሞም መረፃ ንኽካየድ ተወሲኑ ኢዩ።

ፅባሕ ድምፂ ዝህቡ መረፅቲ ቅርታኦም ዘቕርቡሉ ኣሰራርሓ ከምዝተዘርገሐ እውን ወይዘሪት ሶሊያና ገሊፀን።

ስለዝኾነ ድማ ኣብ ሕድሕድ ጣቢያታት መውሃቢ ድምፂ 3 ኣባላት ዘለዉዎ ኮሚቴ ሰማዒ ቅርታ ከምዝተዋዲዱ ኢዩ ምባልን ኢቢሲ ፀብፂቡ።

መረፅቲ ብናፃ ስልኪ መስመር 778 ተጠቒሞም ቅርታኦም ክገልፁ ከምዝኽእሉ እውን ኣገንዚበን።

እዋናዊ ሓበሬታ ንምርካብ፦

ቴሌግራም ገፅና https://t.e/tigrignafana

ድረ ገፅና https://www.fanabc.com/tigrigna/

ትዊተር ገፅና https://twitter.com/fanatelevision

ዩቲዩብ ቻናል FBC Tigrigna

https://www.youtube.com/…/%E1%88%B0%E1%89%A5%E1%88%B5… ይግበሩ/ራ!

ሓዱሽ መተግበሪ ፋና ብሮድካስቲንግ ኮርፖሬት

https://play.google.com/store/apps/details… ኣብ ቴሌፎኖም/ነን ብምፅዓን ቀጥታ ፈነወ ቴሌቪዥን፣ ኤፍኤም 98.1ን ብሄራዊ ራዲዮን ይከታተሉ/ላ። ተንቀሳቐስቲ ምስልታት እውን ይከታተሉ/ላ።