መኽፈቲ ስነ-ስርዓት ቀዳማይ ጉባኤ ፓርቲ ብልጽግና ይሳለጥ ኣሎ

ኣዲስ ኣበባ፣ 2 መጋቢት፣ 2014 (ኤፍ ቢ ሲ)መኽፈቲ ስነ-ስርዓት ቀዳማይ ጉባኤ ፓርቲ ብልጽግና ኣብ ኣዲስ ኣበባ ይሳለጥ ኣሎ።

ኣብቲ ስነ-ስርት መኽፈቲ ጉባኤ፥ ፕሬዚዳንት ፓርቲ ብልፅግናን ቀዳማይ ሚኒስትር ፌዴሪኢን ኣቢይ ኣሕመድ፣ ተሳተፍቲ እቲ ጉባኤ፣ ተወከልቲ ተናሓናሕቲ ፓርቲታት፣ ተወከልቲ ናይ ወፃኢ ሃገራት ፈተውቲ ፓርቲታትን ካልኦት ዕድመ ዝተገበረሎም ኣጋይሽን ኣብ ዝተረኸቡሉ እናተኻየደ ይርከብ።

ካብ ሎሚ መዓልቲ ጀሚሩ ንሰለስተ መዓልቲታት ዝፀንሕ ቀዳማይ ጉባኤ ፓርቲ ብልፅግና፥ ኩለመዳይ ምዕባለ ኢትዮጵያውያን ዘረጋግፁ ውሳነታት ከምዝመሓላለፉሉ እቲ ፓርቲ ኣፍሊጡ።

ነቲ ጉባኤ ኣመልኪቶም ሓላፊ ዘፈር ህዝቢን ዓለም ለኸ ርክብን እቲ ፓርቲ ዶክተር ቢቂላ ሁሪሳ ትማሊ ኣብ ዝሃቡዎ መግለፂ፥ ኣብ ቀዳማይ ጉባኤ ፓርቲ ብልፅና ኣብ ዝሓለፉ ሰለስተ ዓማውቲ ብኩሎም ዓውዲታት ዝተጎናፀፎም ዓወታት ከምዝግምግም ተዛሪቦም።

እቲ ፓርቲ ዘጋጠሙዎ ፀገማትን ማሕለኻታትን ብዕምቆት ገምጊሙ ታሪኻዊ ውሳነ ከምዘሕልፍ እውን ኣብሪሆም።

ኣብ ኩነታት ፀፅታ፣ ኢኮኖሚን ህንፀት ሃገረ መንግስቲን ሰፊሕ ትኁት ሂቡ ከምዝዝቲ እቶም ሓላፊ ገሊፆም።

ብምዃኑ እውን ኩለመዳይ ምዕባለ ዜጋታት ዘምፅኡ ውሳነታት ከምዝመሓላለፉ ኢዮም ኣፍሊጦም።

ኣብቲ ጉባኤ 1 ሺሕን 600 ኣባላት እቲ ፓርቲ ብድምፂ ዝሳተፉ አነትኾኑ፥ 400 ካብ ዝተፈላለዩ ክፋላት ሕብረተሰብን ካብ ወፃኢ ዓዲን ዝተዓደሙ ኣጋይሽ ብዘይ ድምፂ ከምዝሳተፉ ተገሊፁ።

እቲ ጉባኤ ኣማራርሓ፣ ኣባላትን ደገፍቲን እቲ ፓርቲ ሓድነት ኣተሓሳስባን ተግባርን ዝሕዝሉ፣ እቲ ፓርቲ ብኣወዳድባን ኣሰራርሓን ንገዛእ ርእሱ ዘጠናኽረሉ ከምኡውን እቲ ፓርቲ ዘሻግሩን ኩሉ መዳይ መዕባለ ኢትዮጵያ ከረጋግፁ ዝኽእሉን ጠንካራ ኣመራርሓ ፓርቲ ዝምረፅሉን ክኸውን ኢዩ ተባሂሉ።

ቤት ፅሕፈት ፓርቲ ብልፅግና ኣይተ ኣደም ፋራህ ብግደኦም፥ ምስ ኣፈፃፅማ ስርዓትን ልኡኽቶን ዝተሓሓዙ ፀገማት መፍትሒ ብመሃብ ከምኡ እውን ውሽጣዊ ሓድነት ብምጥንኻር ናይ ነዊሕን ሓፂርን እዋን ትልሚታት ምዕዋት ከምዝግባእ ገሊፆም፡፡

ብኣልኣዛር ታደለ

ንኢትዮጵያ፦ ነልምዕ፣ ንህነፅ፣ ንዳሎ

እዋናዊ ሓበሬታ ንምርካብ፦

ቴሌግራም ገፅና https://t.e/tigrignafana

ድረ ገፅና https://www.fanabc.com/tigrigna/

ትዊተር ገፅና https://twitter.com/fanatelevision

ዩቲዩብ ቻናል FBC Tigrigna

https://www.youtube.com/…/%E1%88%B0%E1%89%A5%E1%88%B5… ይግበሩ/ራ!

ሓዱሽ መተግበሪ ፋና ብሮድካስቲንግ ኮርፖሬት

https://play.google.com/store/apps/details… ኣብ ቴሌፎኖም/ነን ብምፅዓን ቀጥታ ፈነወ ቴሌቪዥን፣ ኤፍኤም 98.1ን ብሄራዊ ራዲዮን ይከታተሉ/ላ። ተንቀሳቐስቲ ምስልታት እውን ይከታተሉ/ላ።