መንግስቲ ኣብ ልዕሊ ንፁሃን ዝፍፀሙ መጥቃዕቲታት ብዘላቕነት ንምክልኻል ኣብ ህንፀት ትካላት ጠሚቱ ይሰርሕ ከምዘሎ ተገሊፁ

ኣዲስ ኣበባ፣ 2 ሓምለ፣ 2014 (ኤፍ ቢ ሲ) መንግስቲ፥ ጉጅለታት ራዕዲ ኣብ ልዕሊ ንፁሃን ዝፍፀምዎም መጥቃዕቲታት ብዘላቕነት ንምክልኻል ኣብ ህንፀት ትካላት ጠሚቱ ይሰርሕ ከምዘሎ ተገሊፁ።

ኣብ ባይቶ ወከልቲ ህዝቢ ዋና ተፀዋዒ ሚኒስትር መንግስቲ ኣይተ ተስፋዬ በልጅጌ፥ ኣብ ዝተፈላለዩ ከባቢታት ኢትዮጵያ ብጉጅለታት ግብረ ራዕዲ ኣብ ልዕሊ ንፁሃን ዝፍፀሙ መጥቃዕቲታት ዘላቒ መፍትሒ ንምምፃእ ፍልፍል እቲ ፀገም ምርዳእ ኣገዳሲ ኢዩ ኢሎም።

ፍልፍል እቲ ፀገም ድማ ሓድነት ንክሽርሸርን ኢትዮጵያ ንክትሃስስን ተሓሲቡ ንዘበናት እንትነግ ዝፀንሐ ሽርሒ ፖለቲካ ኢዩ ክብሉ ሓቢሮም።

እዚ ድማ ንኢትዮጵያ ዋጋ የኽፍላ ከምዘሎ ንግዜኢ ገሊፆም።

እዚ እዋን ሳልሳይ ዙር ምምላእ ማይ ግድብ ህዳሰ ዝፍፀመሉ እዋን ስለዝኾነ እዚ ንምትዕንቓፍን ሃፍታ ንከይተልምዕ ንምግባርን ምርብራብ ዝገብሩ ኣካላት ከምዘለዉ ተዛሪቦም።

ኢትዮጵያዊያን ብሓባር ደው ኣብ ዝበልሎም እዋናት ፈተናታት ብዓወት ምውፅኦም ብምዝኽካር፥ ፀላእቲ ንኢትዮጵያ ምንብርካኽ ዝኽእሉ ሓድነት ህዝባ ብምሽርሻር ኢዩ ኢሎም ቅዋም ብምሓዝ ዝንቀሳቐሱ ዘለዉ ሓይሊታት ከምዘለዉ ሓቢሮም።

እቶም ፀላእቲ ህዝብን መንግስቲን ኢትይጵያ ንምፍልላይ ብዘይዕረፍቲ ከምዝሰርሑ ገሊፆም።

መደረታት መራሕቲ ካብ ዓውዲ ወፃእ እናተርጎሙ ፀገም ንምፍጣር ከምዝፍትኑ እውን ተዛሪቦም።

መሓውር ፀፅታ ብስኑዕ ፕሮፓጋንዳ ንምክፍፋልን ኢትዮጵያ ንምድኻምን ብዙሓት ስራሕቲ እንተተሰርሑ እውን፥ ሓይሊ ፀፅታ ካብ ኢትዮጵያዊነቱ ዝንብል ዘይብል ከምዝኾነ ኣረጋጊፆም።

እዚ ድማ ካብ ፅባሕ ለውጢ ጀሚሩ ኢትዮጵያ ዝመስልን ዝምጥንን ኣካል ፀፅታ ንምህናፅ ተሓሲቡ ዝተተግበረ ሪፎርም ዕዉት ከምዝኾነ ዘርእይ ኢዩ ኢሎም።

እዋናዊ ሓበሬታ ንምርካብ፦

ቴሌግራም ገፅናhttps://t.e/tigrignafana

ድረ ገፅና https://www.fanabc.com/tigrigna/

ትዊተር ገፅና https://twitter.com/fanatelevision

ዩቲዩብ ቻናል FBC Tigrigna

https://www.youtube.com/…/%E1%88%B0%E1%89%A5%E1%88%

5… ይግበሩ/ራ!

ሓዱሽ መተግበሪ ፋና ብሮድካስቲንግ ኮርፖሬት

https://play.google.com/store/apps/details… ኣብ ቴሌፎኖም/ነን ብምፅዓን ቀጥታ ፈነወ ቴሌቪዥን፣ ኤፍኤም 98.1ን ብሄራዊ ራዲዮን ይከታተሉ/ላ። ተንቀሳቐስቲ ምስልታት እውን ይከታተሉ/ላ።