መበል 81 መዓልቲ ዝኽሪ ሓርበኛታት እንትነኽብር ፀጋታት እቲ ዓወት ብምጉላህን ንወለዶ ብምምሕልላፍን ክኸውን ኣለዎ -መንግስቲ

ኣዲስ ኣበባ፣ 27 ሚያዝያ፣ 2014 (ኤፍ ቢ ሲ) መበል 81 መዓልቲ ዝኽሪ ሓርበኛታት እንትነኽብር ፀጋታት እቲ ዓወት ብምጉላህን ንወለዶ ብምምሕልላፍን ክኸውን ኣለዎ ክብል ኣገልግሎት ኮሚኒኬሽን መንግስቲ ኣፍሊጡ፡፡

ኣገልግሎት ኮሚኒኬሽን መንግስቲ መበል 81 መዓልቲ ዝኽሪ በዓል ሓርበኛታት ኢትዮጵያ ኣድሂቡ መግለፂ ኣውፂኡ።

እቲ ኣገልግሎት፥ ኢትዮጵያ ፀላእታ ዝደቀሱላ ግዘ ብዘይምህላዉ ኣብ ታሪኻ ብዙሕ ኲናት ከምዘካየደት ገሊፁ።

ኢትዮጵያ ኣብ ታሪኻ ኲናት ደልያን ተመንያን ከምኡ እውን ላኣላውነት ጥሒሳ ወራር ፈፂማ ከምዘይትፈልጥ እውን ኣብራህሪሁ።

ኩሉሻብ ብናይ ባዕላ ሃፍቲ ወይ ከኣ ካሊእ ጉዳይ እያ ትጥቃዕ ብምባል፥ ኮይኑ ግና ኩሎም ኲናታት ብሰዓራይነት ወዲኣ እያ ኢሉ እቲ መግለፂ።

እቶም ውግኣት ክትስዕር ዝኸኣለት ብድኽመት ፀላእታ ወይ እውን ብዝተዓጠቐቶም ዘመናዊ መሳርሒ ኲናት ዘይኮነስ ÷ኩሉሻብ ፀላኢ እንትመፅእ ብሓድነት ብዝምክቱደቃ ከምዝኾነ ኣመላኺቱ፡፡

ኩልግዘ ኢትዮጵያ ብፀላእታ ክትትንከፍ ከላ ትዕግስቲ ዘይብሎም ኢትዮጵያውያን ንዘመናት ብደምን ኣዕፅምቶምን ላኣላውነት ሃገሮምን ከይተደፈረ ኣኽቢሮም ምፅንሖ ተገሊፁ፡፡

ጀጋኑ ሓርበኛታት ንክብሪ ሃገሮምን ንናፅነት ህዝባን ንዘካየድዎ በቢ ዓመቱ 27 ሚያዝያ ይውደሱ፣ ይዝከሩ ንዘልኣለም ብወለዶ እነተሞገሱ ክነብሩ እዮም ኢሉ፡፡

ናይ ሐዚ ወለዶ ፅንፈኝነትን ኣኽራርነትን ባዕሉ በሊዑ ዘጥፍእኣተሓሳስባ ከምዝኾነ ካብ ፋሽሽታዊ ኣገዛዝኣ ተማሂርና ጫፍ ካብ ዝወፀ ኣተሓሳስባ ብምንጋፍ ሃገሩ ከቐፅል ትፅቢት ይግበረሉ ክብል ኣገልግሎት ኮሚኒኬሽን መንግስቲ ኣብ መግለፂኡ ኣፍሊጡ፡፡

እዋናዊ ሓበሬታ ንምርካብ፦

ቴሌግራም ገፅናhttps://t.e/tigrignafana

ድረ ገፅና https://www.fanabc.com/tigrigna/

ትዊተር ገፅና https://twitter.com/fanatelevision

ዩቲዩብ ቻናል FBC Tigrigna

https://www.youtube.com/…/%E1%88%B0%E1%89%A5%E1%88%B5… ይግበሩ/ራ!

ሓዱሽ መተግበሪ ፋና ብሮድካስቲንግ ኮርፖሬት

https://play.google.com/store/apps/details… ኣብ ቴሌፎኖም/ነን ብምፅዓን ቀጥታ ፈነወ ቴሌቪዥን፣ ኤፍኤም 98.1ን ብሄራዊ ራዲዮን ይከታተሉ/ላ። ተንቀሳቐስቲ ምስልታት እውን ይከታተሉ/ላ።