መበል 55 ዓመት ምሕዝነት ኢትዮጵያን ቻይናን ተኸቢሩ

ኣዲስ ኣበባ፣ 4 ጥሪ፣ 2017 (ኤፍ ኤም ሲ)መበል 55 ዓመት በዓል ምሕዝነት ኢትዮጵያን ቻይናን ኣብ ወዳጅነት ኣደባባይ ተኸቢሩ፡፡

ኣብቲ መርሃ ግብሪ ሚኒስትር ዴኤታ ጉዳያት ወፃኢ ኣምባሳደር ምስጋኑ ኣርጋ፣ ኣምባሳደር ቻይና ኣብ ኢትዮጵያ ቸን ሃይ፣ ፕሬዚዳንት ዩኒቨርሲቲ ኣዲስ ኣበባ ሳሙኤል ክፍሌ ከምኡ እውን ካልኦት ዕድመ ዝተገበረሎም ኣጋይሽ ተረኺቦም፡፡

ኣምባሳደር ምስጋኑ ኣርጋ ኣበቲ መድረኽ÷ መበል 55 ዓመት በዓል ምሕዝነት ክልቲአን ሃገራት ብኩሎም ዓውዲታት እናተጠናኸረ ንዝመፅአ ክልተኣዊ ርክብ መርአዪ ኢዩ ኢሎም።

ኣምባሳደር ቺን ሃይ ብግደኦም÷ ምሕዝነት ክልቲአን ሃገራት ብግዘን ኩነታትን ምቅይያር ዘይልወጥን ዘብን ተሳጋሪን ከምዝኾነ ኣብሪሆም።

ሃገሮም ምስ ኢትዮጵያ ዘለዋ ርክብ ብዓውዲታት ንግዲ፣ ኢንቨስትመንት፣ ትምህርቲ፣ ሳይንስን ቴክኖሎጂን ኣጠናኺራ ከምትቕፅል እውን ኣረጋጊፆም።

ብወንደሰን ኣረጋኸኝ