መቐለ ሓዊሱ ክሳብ ሐዚ 31 ከተማታት ኣገልግሎት ቴሌኮም ዳግም ጀሚሩ
ኣዲስ ኣበባ፣ 20 ታሕሳስ፣ 2015 (ኤፍ ቢ ሲ)መቐለ ሓዊሱ ክሳብ ሐዚ 31 ከተማታት ኣገልግሎት ቴሌኮም ዳግም ከምዝጀመረ ኢትዮ ቴሌኮም ኣፍሊጡ።
ብመሰረት እዚ፦
- ትማሊ መቐለ፣ ውቕሮ፣ ኲሓን ኣብዓላን እቲ ኣገልግሎት ረኺበን።
- እቲ ኣገልግሎት መሊስካ ንምጅማር ትሽዓተ ጉጅለታት ቴክኒክ ብኣርባዕተ ኣንፈታት ተዋፊሮም
- ልዕሊ 981 ኪሎ ሜትሮ ናይ ፋይበር መራኸቢ መስመር ፅገና ተፈፂሙ
- 90 ናይ ሞባይል ሳይታት እውን ዳግም ብምርኻብ ፃውዒት ቴሌፎን ዕዉት ብዝኾነ ኩነታት ተፈፂሙ
- 61 ናይ ባንኪ ቅርንጫፋት ዳግም ናብ ኣገልግሎት ዝምለስሉ ኩነታት ተፈጢሩ
- ናይቲ ቴሌኮም ኣገልግሎት ብሙሉእ ዓቕሙ ንምቕፃል ናይ ፅገና ስራሕ ተጠናኺሩ ይቕፅል ኣሎ
- ናይ ኔትዎርክ ምጭንናቕ ክህሊ ስለዝኽእል ዓማዊል ነቲ ኩነታት ክግንዘቡ ዋና ኣፈፃሚት ስራሕ እቲ ኩባኒያ ፍሬህይወት ታምሩ ሓቲተን።