መርማሪ ቦርድ ዝጀመሮም ክትትልን ቁፅፅርን ንኸጠናክር ተሓቲቱ
ኣዲስ ኣበባ፣ 17 ነሓሰ፣ 2015 (ኤፍ ቢ ሲ)መርማሪ ቦርድ ኣዋጅ ህፁፅ እዋን ዝጀመሮም ክትትልን ቁፅፅርን ኣጠናኺሩ ክቕፅል ከምዝግባእ ምክትል አፈጉባኤ ባይቶ ወከልቲ ህዝቢ ሎሚ በዶ ኣተሓሳሲበን፡፡
እቲ መርማሪ ቦርድ ክሳብ ሕዚ ዘሳለጦም ተግባራት ሪፖርትን ኣብ ቀፃሊ ዝውግኖም ተግባራትን ዝምልከት ረቂቕ ትልሚ÷ እተን ምክትል ኣፈ ጉባኤን ዋና ተፀዋዒ መንግስቲ ሚንስትርን ኣብ ዝተረኸቡሉ ኣቕሪቡ፡፡
ምክትል ኣፈ ጉባኤ ሎሚ በዶ÷ እቲ መርማሪ ቦርድ ዝተፈላለዩ ፅዕንቶታት እንተይበድሁዎ ዘይሻራዊ ብምዃን እናሳለጦ ዝርከብ ተግባር ብምምስጋን፤ ኣብ ቀፃሊ እውን ክትትሉን ቁፅፅሩን ኣጠናኺሩ ንኽቕፅል ኣተሓሳሲበን፡፡
ኣብቲ ባይቶ ዋና ተፀዋዒ መንግስቲ ሚንስትር ተስፋዬ በልጅጌ÷ እቲ ቦርር ዘይሻራዊ ብምዃን ስርሑ ንኽውግን ባይቶ ወከልቲ ህዝቢ ኣድላዪ ሓገዝ ከምዝገብር ተዛሪቦም፡፡
እቲ መርማሪ ቦርድ ኣብ ዝቕፅል እዋን ዝውግኖም ተግባራት ኣብ ዝምልከት ዝቐረበ ዝርዝር ትልሚን መተሓዳደሪ ደንቢን ዝተፈላለዩ መስተኻኸሊ ርኢቶታት ምስቀረቡ ከምዝፀደቑ ካብቲ ባይቶ ዝረኸብናዮ ሓበሬታ የረድእ፡፡
እዋናዊ ሓበሬታ ንምርካብ፦
ቴሌግራም ገፅናhttps://t.e/tigrignafana
ድረ ገፅና https://www.fanabc.com/tigrigna/
ትዊተር ገፅና https://twitter.com/fanatelevision
ዩቲዩብ ቻናል FBC Tigrigna https://www.youtube.com/…
ሓዱሽ መተግበሪ ፋና ብሮድካስቲንግ ኮርፖሬት https://play.google.com