መርሃ ግብሪ ሓምለዋይ ኣሰር ኣብ ሃገረይ ክትግበር ይደሊ ኢየ – ቀዳማይ ሚኒስትር ጊኒ

ኣዲስ ኣበባ፣ 27 ጥቅምቲ፣ 2017 (ኤፍ ቢ ሲ)ብፍልፍል ሓሳብ ቀዳማይ ሚኒስትር ኣቢይ ኣሕመድ (ዶ/ር) እናተተግበረ ዝርከብ መርሃ ግብሪ ሓምለዋይ ኣሰር ኣብ ሃገሮም ክትግብሩ ከምዝደልዩ ቀዳማይ ሚኒስትር ጊኒ ኣማዱ ኡሪ ባህ ገሊፆም።

ቀዳማይ ሚኒስትር ኣማዱ ኡሪ ባህ ምስ ሚኒስትር ጉዳያት ወፃኢ ጌዲዮን ጢሞቴዎስ (ዶ/ር) ኣብ ክልተኣዊን ኣህጉራዊን ጉዳያት ኣድሂቦም ኣብ ኣዲስ ኣበባ ተዛቲዮም፡፡

ቀዳማይ ሚኒስትር ኣማዱ ኡሪ ባህ ኣብቲ እዋን÷ ኣብ ኢትዮጵያ እናተተግበረ ዝርከብ መርሃ ግብሪ ሓምለዋይ ኣሰር ውፅኢታዊ ከምዝኾነ ገሊፆም።

እቲ ዕዉት መርሃ ግብሪ ሓምለዋይ ኣሰር ኣብ ሃገሮም ክትግበሩ ድሌት ከምዘለዎም ኣረጋጊፆም፡፡

ኢትዮጵያ ብኢኮኖሚያዊ ልምዓት ብዝተፈላለዩ ዓውዲታት ዘለዋ ልምዲን ተሞክሮን እናመዝገበቶ ትርከብ ተሞክሮ ናብ ጊኒ ክወስዱ ከምዝደልዩ እውን ኣፍሊጦም፡፡

ጌዲዮን ጢሞቴዎስ (ዶ/ር) ብግደኦም÷ ኢትዮጵያ ብዝተፈላለዩ ዓውዲታት ዘለዋ ተሞክሮ ንጊኒ ንምክፋል ድልውቲ ከምዝኾነት ኣረጋጊፆም።

ሓምለዋይ ኣሰር ኣብ ኢትዮጵያ ሃፍቲ ማይ ንኽመሓየሽ ርኡይ ግደ ከምዝተፃወተ ኣብሪሆም፡፡