መራኸብቲ ሓፋሽ መርሃ ግብሪ ሓምለዋይ ኣሰር ውፅኢታዊ ንክኸውን ማሕበረሰብ ካብ ምንቓሕ ብተወሳኺ  ኣብ ምስታፍ ምትካል ፈልሲ  እውን ድርብ ሓላፍነት ኣለዎም-  ኣይተ ኣድማሱ ዳምጠው

ኣዲስ ኣበባ፣ 16 ሓምለ፣ 2014 (ኤፍ ቢ ሲ)ሓላፍነት መራኸብቲ ሓፋሽ መርሃ ግብሪ ሓምለዋይ ኣሰር ውፅኢታዊ ንክኸውን ማሕበረሰብ ካብ ምንቓሕ ብተወሳኺ  ኣብ ምስታፍ ፈልሲ ምትካል እውን ድርብ ሓላፍነት ከምዘለዎም ዋና ፈፃሚ ስራሕ  ፋና ብሮድካስቲንግ ኮርፖሬት  ኣይተ ኣድማሱ ዳምጠው ተዛሪቦም።

ኣመራርሓታትን ሰራሕተኛታትን ፋና ብሮድካስቲንግ ኮርፖሬት ራብዓይ ዙርያ መርሃ ግብሪ ሓምለዋይ ኣሰር ሎሚ መዓልቲ ካራቆሬ ኣብ ዝርከብ ማእኸል ፈነወ እቲ ትካል ተኸላ ፈልሲ  ኣካይዶም፡፡

ኣብቲ መርሃ ግብሪ ዝተሳተፉ እቶም ዋና ፈፃሚ ስራሕ፥ ኣብዚ ሐዚ እዋን እዛ ሃገር ተተግብሮ ዘላ መርሃ ግብሪ ሓምለዋይ ኣሰር ለውጢ ክሌማ ንምቁፅፃርን ሚዛኑ ዝሓለወ ክሌማ ንክህሉ ንምግባርን ዘኽእል እዩ ኢሎም፡፡

ኣብቲ መረሃ ግብሪ ካብ ዝተተኸሉ ፈልሲታት ንምግብነት ዝውዕሉ ካብ ምዃኖም ብተወሳኺ ዕድል ስራሕ ኣብ ምፍጣር እውን ልዑል ግደ ኣለዎም ኢሎም።

እዚ ዕውት ንክኸውን ግደ መራኸብቲ ሓፋሽ ዝላዓለ ከምዝኾነ ዝገለፁ ኣይተ ኣድማሱ፥ ብፍላይ ፋና ከም ጭርሐኡ “ብህይወት ልክዕ” ኣብቲ ኣውዲ ዝተሰርሑ ስራሕቲ ካብ ምፅብፃብ ብተወሳኺ ጎና ጎኒ ስሩዕ ስራሕቱ ኣብ ሃገራዊ ስራሕቲ እውን ብንቕሓት ይሳተፍ ከምዘሎ እዮም ዝገለፁ፡፡

ብመሰረት እዚውን መርሃ ግብሪ ሓምለዋይ ኣሰር ተኸላ ፈልሲን ሃገራዊ ጉዳያትን ንወለዶ ዝሰጋገር ብምዃኑ ንሕብረተሰብ ግንዛበ ኣብ ምጭባጥ ግደኡ ያዋፃእ ከምዘሎ ኣብሪሆም፡፡

“ፈልሲ ምትካል ጥራይ ለውጢ ኣይምፅእን” ዝበሉ ኣይተ ኣድማሱ ፥ ዝተተከሉ ፈልሲታት ንክፀድቑ ንምሕብሓብ እውን ስርዓት ከምዝተዳለወ ሓቢሮም፡፡

ቅድሚ ሐዚ ዝተተኸሉ ንምግብነት ዝውዕሉን ካልኦት ዓይነታት ችግኝ እንትኮኑ ፤ሎሚ ዕለት እውን ሰነ ምህዳር ከባቢያዊ ኣየር ዘሐልዉ ከምዝኾኑ ገሊፆም፡፡

እዋናዊ ሓበሬታ ንምርካብ፦

ቴሌግራም ገፅናhttps://t.e/tigrignafana

ድረ ገፅና https://www.fanabc.com/tigrigna/

ትዊተር ገፅና https://twitter.com/fanatelevision

ዩቲዩብ ቻናል FBC Tigrigna

https://www.youtube.com/…/%E1%88%B0%E1%89%A5%E1%88%B5… ይግበሩ/ራ!

ሓዱሽ መተግበሪ ፋና ብሮድካስቲንግ ኮርፖሬት

https://play.google.com/store/apps/details… ኣብ ቴሌፎኖም/ነን ብምፅዓን ቀጥታ ፈነወ ቴሌቪዥን፣ ኤፍኤም 98.1ን ብሄራዊ ራዲዮን ይከታተሉ/ላ። ተንቀሳቐስቲ ምስልታት እውን ይከታተሉ/ላ።