ሓጋዚ ዋና ፀሓፊ ውሕመ ህወሓት ኣብ መኽዘን ትካል ምግቢ ዓለም መቐለ ዝፈፀሞ ዘመተ ከምዝረበሾም ገሊፆም

ኣዲስ ኣበባ፣ 20 ነሓሰ፣ 2014 (ኤፍ ቢ ሲ)ሓጋዚ ዋና ፀሓፊ ጉዳያት ሰብኣዊ ሓገዝን ኣተሓባበሪ ህፁፅ ሓገዝንውድብ ሕቡራት መንግስታት(ውሕመ) ማርቲን ግሪፊትዝ፥  ህወሓት ኣብ መኽዘን ትካል ምግቢ ዓለም መቐለ ዝፈፀሞ ዘመተ ከምዝረበሾም ገሊፆም።

ማርቲን ግሪፊትዝ ኣብ መግለፂኦም፥ ህወሓት ዝዘመቶ 570 ሺሕ ሊትሮ ነዳዲ፣ ውሕመን መሻርኽቲ ትካላትን ደገፍ ንዘድሊዮም ኣብቲ ክልል ዝርከቡ ሰብኣዊ ሓገዝ ንምቕራብ ይጥቀመሉ ከምዝነበረ ሓቢሮም።

ነዳዲ እንተዘይሃሊዩ ምግቢ፣ ሃነፅቲ ምግብታት፣ መድሓኒትን ካልኦት ኣቕርቦታትን ምርካብ ከምዘይከኣል ገሊፆም።

ሕፅረት ዝተመጣጠነ ምግብን ፀገም ኣቕርቦት ምግብን ኣብ ዘለሉ ኩነታት፥ ከምዚ ዓይነት ዘመተ ዝኸፍአ ኩነታት ንክፍጠር ዝገብር ከምዝኾነ ኣጠንቂቖም።

ዝኾነ ይኹን ናውቲታት ሓገዝ ንካልእ ተግባር ምዛር ኣጥቢቖም ከምዝኹንኑ እውን ሓቢሮም።

ኣቕርቦታት ሰብኣዊ ሓገዝ ክሕለዉ ኣለዎም ዝበሉ ማርቲን ግሪፊትዝ፥ ምክፍፋል ኣቕርቦት ሰብዓዊ  ሓገዝ ምትእጉጓል ደው ክብል ከምዝግባእ እውን ተዛሪቦም።

እዋናዊ ሓበሬታ ንምርካብ፦

ቴሌግራም ገፅናhttps://t.e/tigrignafana

ድረ ገፅና https://www.fanabc.com/tigrigna/

ትዊተር ገፅና https://twitter.com/fanatelevision

ዩቲዩብ ቻናል FBC Tigrigna

https://www.youtube.com/…/%E1%88%B0%E1%89%A5%E1%88%B5… ይግበሩ/ራ!

ሓዱሽ መተግበሪ ፋና ብሮድካስቲንግ ኮርፖሬት

https://play.google.com/store/apps/details… ኣብ ቴሌፎኖም/ነን ብምፅዓን ቀጥታ ፈነወ ቴሌቪዥን፣ ኤፍኤም 98.1ን ብሄራዊ ራዲዮን ይከታተሉ/ላ። ተንቀሳቐስቲ ምስልታት እውን ይከታተሉ/ላ።