ሓደ ውልቀ ሰብ ብምቕታል ኣስከሬኑ ቆራሪፆም ናብ ሽቓቕ ዝደርበዩ ተኸሰስቲ ብሞት ክቕፅዑ ተወሲኑ
ኣዲስ ኣበባ፣ 25 ሰነ፣ 2015 (ኤፍ ቢ ሲ)678 ሺሕ ብር ዘውፅእ ብልቓሕ ዝተሸጠ ምሸላ ባሕሪ ንውልቀ ረብሐኦም ንምውዓል ንበዓል ዋና እቲ ንብረት ብምቕታል ኣስከሬኑ ቆራሪፆም ናብ ሽቓቕ ዝደርበዩ ክልተ ተኸሰስቲ ብሞት ክቕፅዑ ተወሲኑ።
እቲ ተግባር ኣብ ዞባ ሃዲያ ወረዳ ዱና ዝተፈፀመ ምዃኑ ሓበሬታ ፖሊስ ክልል ደቡብ የመላኽት፡፡
ካብ ሞንጎ ተኸሰስቲ ሓደ÷ ንበዓል ዋና እቲ ንብረት ብጥይት ምስ ቀተሎ ኣስከሬኑ ክልቲኦም ተኸሰስቲ ቆራሪፆም ብካሻ ብምጥቕላል ናብ ሽንቲ ቤት ከምዘእተዉዎ ተገሊፁ፡፡
ፖሊስ እታ ወረዳ እውን ንኣርባዕተ መዓልቲ ብዝገበሮ ኣለሻ÷ ዝተቖራረፀ ኣስከሬን መዋቲ ኣገልግሎት ምሃብ ኣብ ዘቋረፀ ኣረጊት ሽቓቕ ከምዝረኸቦ ኣፍሊጡ።
እቲ ገበን ዝፈፀሙ ሰባት÷ ብስራሕቲ ድለላ ዝመሓደርን ኣብ ቀፅሪ መዋቲ ገዛ ተኻሪዩ ዝነብርን ኣይተ ፈለቀ በቀለን ኣብ መዓልታዊ ስራሕ ምውራድን ምፅዓንን ዝመሓደር ኣይተ ሳሙኤል ኣበራ ዝተብሃ ውልቀ ሰብንከምዝኾኑ ተሓቢሩ፡፡
ብምዃኑ 1ይ ተኸሳሲ ኣይተ ፈለቀ በቀለ ካብ ውልቀ ተበዳሊ ኣይተ ኣባተ ኢቶሬ 13 ጥሪ 2015 ዓ.ም ግምቱ 678 ሺሕ ብር ዝኾነ 230 ኩንታል ምሸላ ባሕሪ ተቐቢሉ ብልቓሕ ከምዝሸጠ ተገሊፁ፡፡
እቲ ገንዘብ ነውልቀ ረብሑኡ ንምውዓል ብምሕሳብ ድማ ብመስተ ደፋፊኡ 14 ጥሪ 2015 ዓ.ም ካብ ቀትሪ ሰዓት 4 ክሳብ ሰዓት 8 ኣብ ዘሎ ግዘ ንውልቀ ተበዳሊ ናብ ገዝኡ ብምፅዋዕ ብጥይት ከምዝቐተሎ ተረጋጊፁ፡፡
ምስ ካልኣይ ተኸሳሲ ኣይተ ሳሙኤል ኣበራ ብምዃን ድማ ኣስከሬኑ ቆራሪፆም ኣብ ሰለስተ ካሻ ብምግባር ናብ ሽቓቕ ከምዘእተዉዎ 1ይ ተኸሳሲ ኣረጋጊፁ፡፡
ላዕለዋይ ቤት ፍርዲ ዞባ ሃድያ ድማ ክልቲኦም ተኸሰስቲ ብሞት ንኽቕፅዑ ወሲኑ፡፡
እዋናዊ ሓበሬታ ንምርካብ፦
ቴሌግራም ገፅናhttps://t.e/tigrignafana
ድረ ገፅና https://www.fanabc.com/tigrigna/
ትዊተር ገፅና https://twitter.com/fanatelevision
ዩቲዩብ ቻናል FBC Tigrigna https://www.youtube.com/…
ሓዱሽ መተግበሪ ፋና ብሮድካስቲንግ ኮርፖሬት https://play.google.com