ሓደጋ ግብረ ራዕዲ ንምክልኻል ዞባዊን ዓለም ለኻዊን ምትሕብባር ናብ ዝለዓለ ብርኪ ናይ ምዕባይ ተግባር እናተሳለጠ ይርከብ – ብሄራዊ ኣገልግሎት ሓበሬታን ድሕንነትን

ኣዲስ ኣበባ ፣ 3 ሰነ፣ 2014 (ኤፍ ቢ ሲ)ኣብ ኢትዮጵያ ሓደጋ ግብረ ራዕዲ ንምክልኻል ዞባዊን ዓለም ለኻዊን ምትሕብባር ናብ ዝለዓለ ብርኪ ናይ ምዕባይ ተግባር እናተሳለጠ ከምዝርከብ ዳይሬክተር ጄነራል ብሄራዊ ኣገልግሎት ሓበሬታን ድሕንነትን ተመስገን ጥሩነህ ገሊፆም።

“ግብረ ራዕዲ ብምክልኻል ሓበራዊ ገዛና ዝኾነት ኢትዮጵያ ብሓባር ክንሕሉ ኢና!” ብዝብል መሪሕ ቃል ሃገር ለኸ ጉባኤ ትካላት ፀፅታን ፍትሒን ኣብ ኣዲስ ኣበባ ይካየድ ኣሎ።

ኣብቲ መድረኽ መልእኽቲ ዘመሓላለፉ ዳይሬክተር ጄነራል ብሄራዊ ኣገልግሎት ሓበሬታን ድሕንነትን ተመስገን ጥሩነህ፥ “ግብረ ራዕዲ ሃገርን ህዝቢን ኣብ ሓደጋ ዘውድቕ ዓለም ለኸ ስግኣት ስለዝኾነ፤ ናይ ምክልኻል ተግባር ንኹሉ ዝምልከት ኢዩ” ኢሎም።

ኣብ ኢትዮጵያ ኣንፀላሊዮም ዝነበሩ ተግባራት ግብረ ራዕዲ ኣብ ምፍሻልን ምክልኻልን ከይዲ ዕዉት ስራሕ ከምዝተሰርሐ እውን ኣዘኻኺሮም።

ኣብቲ ተግባር ብሓፈሻ ህዝቢን መዘና ትካላት ጎረባብቲ ሃገራን ዝነበሮም ግደ ብምንኣድ ቀፃልነት ንኽህልዎ እውን ሓቲቶም።

ኣብ ኢትዮጵያ ሓደጋ ግብረ ራዕዲ ንምክልኻል ዞባዊን ዓለም ለኻዊን ምትሕብባር ናብ ዝለዓለ ብርኪ ናይ ምዕባይ ተግባር እናተሳለጠ ከምዝርከብ እቶም ዳይሬክተር ጄነራል ምግላፆም ግዜኢ ፀብፂቡ፡፡

እዋናዊ ሓበሬታ ንምርካብ፦

ቴሌግራም ገፅናhttps://t.e/tigrignafana

ድረ ገፅና https://www.fanabc.com/tigrigna/

ትዊተር ገፅና https://twitter.com/fanatelevision

ዩቲዩብ ቻናል FBC Tigrigna

https://www.youtube.com/…/%E1%88%B0%E1%89%A5%E1%88%B5… ይግበሩ/ራ!

ሓዱሽ መተግበሪ ፋና ብሮድካስቲንግ ኮርፖሬት

https://play.google.com/store/apps/details… ኣብ ቴሌፎኖም/ነን ብምፅዓን ቀጥታ ፈነወ ቴሌቪዥን፣ ኤፍኤም 98.1ን ብሄራዊ ራዲዮን ይከታተሉ/ላ። ተንቀሳቐስቲ ምስልታት እውን ይከታተሉ/ላ።